Almaty qalasynyń ákimi Baqytjan Saǵyntaev qalanyń damý áleýeti týraly aitty, dep habarlaidy QazAqparat.
«Ózderińiz bilesizder, Almaty Qazaqstannyń isker astanasy boldy jáne solai qala bermek. Munda JIÓ-niń besten bir bóligi, salyqtardyń tórtten bir bóligi, bankterdiń nesie portfeliniń 60%, eldiń saýda operatsiialarynyń 40%-dan astamy qalyptasady. Qazaqstandaǵy eń iri salyq tóleýshi kompaniialardyń úshten biri, 30-dan astam transulttyq kompaniialar, banktiń bas keńsesiniń 86%, birlesken iri halyqaralyq uiymdardyń 43% Almaty qalasynda ornalasqan. Bul - ekonomikasy 35,6 milliard dollarlyq Ortalyq Aziiadaǵy eń damyǵan megapolis», - dedi Baqytjan Saǵyntaev Qazaqstandyq qarjy forýmynda.
Onyń aitýynsha, halyqaralyq deńgeide Almaty álemniń 600 qalasyna kiredi, olar álemdik jalpy ónimniń 60%-yn quraidy. Bilik aldyna ǵalamdyq qala bolýdy jáne ómir súrý sapasy men ekonomikalyq múmkindikteri jaǵynan úzdik 100 megapolis qataryna enýdi maqsat etip qoidy.
«Almaty halqynyń sany búginde 3 millionǵa jetip otyr, 2030 jylǵa qarai ol 5 millionǵa jetýi múmkin. Álemdegi kóptegen megapolister siiaqty, biz qorshaǵan ortany jaqsartýdyń ózekti máselelerin sheshý, joǵary ómir súrý deńgeiin qamtamasyz etý, qaýipsizdikti arttyrý, áleýmettik, injenerlik, kóliktik infraqurylymdy damytý úshin resýrstardyń jetispeýshiligimen betpe-bet kelemiz. Sondyqtan, biz «Astana» halyqaralyq qarjy ortalyǵy siiaqty platformany paidalanýymyz kerek. Bul óte mańyzdy», dep atap ótti Baqytjan Saǵyntaev.
«Atap aitqanda, biz AHQO-da jumys isteitin investitsiialyq damý qorymen yntymaqtastyqqa múddelimiz. Qyzyǵýshylyq tanytyp otyrmyz. Óz kezeginde, ákimdik biznes úshin eń qolaily jaǵdai jasaýǵa jáne qoldaýdyń barlyq sharalaryn usynýǵa tyrysyp jatyr», - dedi ol.
Qoldaý sharalaryna toqtalǵan ákim Qolday kásipkerlik ortalyǵy bizneske «bir tereze» negizinde memlekettik qyzmetter, sondai-aq aqysyz keńes berý qyzmetterin usynady. Almaty Finance jáne Almaty mikroqarjy uiymy shaǵyn jáne orta bizneske jeńildikpen nesie beredi, olardyń mólsherlemesi 2% -dan 7% -ǵa deiin. Almaty Invest kompaniiasy iri investorlardy tartýǵa kómektesedi. Qazirdiń ózinde 1,5 milliard dollarlyq birqatar jobalar anyqtaldy.
«Almatyda qor jáne taýar birjalary jumys isteidi. Men qazaqstandyq kompaniialardyń otandyq qor naryǵyna shyǵýy, biznesti júrgizýdiń jańa deńgeiine jáne turaqty damýǵa baǵyttalǵan kásiptiń sapaly ósýine ákeledi dep sanaimyn », - dedi Baqytjan Saǵyntaev.
Sondai-aq, ol qolaily klimattyq jaǵdailar men memlekettik qoldaý, týrizm siiaqty eksportqa baǵyttalǵan salany belsendi damytýǵa múmkindik beretinin atap ótti. Taý klasteriniń bas jospary ázirlendi, jobalar óz investorlaryn kútýde.
«Intellektýaldy bai mádeni mura qalyptasty. Bul institýtsionaldy infraqurylym jáne ondaǵan jyldar ishinde jinaqtalǵan adami kapital shyǵarmashylyq ekonomikanyń damýyna yqpal jasaidy. Qazirdiń ózinde, Qazaqstannyń shyǵarmashylyq indýstriiasy kásiporyndarynyń 45% Almatyda shoǵyrlanǵan. Qazirgi tsifrlandyrý men jasandy intellekt dáýirinde, robottar dástúrli salalardan adamdardy yǵystyryp jatqan kezde, bolashaq kreativti indýstriia salasynda bolamaq», - dedi Baqytjan Saǵyntaev.
