Foto: QTJ
«Jolaýshylar tasymaly» AQ jolaýshylar vagondarynyń parki 2030 jylǵa qarai tolyq jańartylmaq. Bul týraly temirjol jolaýshylar tasymaly salasyndaǵy eń mańyzdy ári ózekti máselelerge arnalǵan brifingte aityldy, dep habarlaidy Ult.kz.
Qazirgi tańda paidalanystaǵy 2 188 vagonnyń ortasha jasy – 16 jyl. Sońǵy 10 jylda park 50%-ǵa jańartylǵan.
Stadler kompaniiasymen 557 jańa vagon jetkizýge kelisim jasaldy. Onyń ishinde kýpelik, platskarttyq, erekshe qajettilikteri bar adamdarǵa arnalǵan jáne generatorly vagondar bar. Barlyǵy konditsionerlermen, beinebaqylaý júiesimen, órtke qarsy jabdyqtarmen, rozetkalar jáne USB qosqyshtarymen qamtylmaq. Alǵashqy partiiasy 2025 jyldyń sońyna deiin jetkiziledi. 2030 jylǵa qarai parktyń ortasha jasy 10 jylǵa deiin tómendeidi.
Sonymen qatar, «ZIKSTO» AQ-pen áriptestik jalǵasýda: 2022–2025 jyldary 255 vagon men 18 elektropoiyz vagony alyndy, jyl sońyna deiin taǵy 63 vagon jetkiziledi. Barlyǵy konditsionerlermen, biotýalettermen jáne zamanaýi qaýipsizdik júielerimen jabdyqtalǵan.
2026 jyly «Almaty – Qostanai» jańa poiyzy iske qosylyp, «Almaty – Petropavl» jáne «Almaty – Tashkent» baǵyttarynyń jiiligi arttyrylmaq.
Tsifrlandyrý baǵytyndaǵy qadamdar
«Jolaýshylar tasymaly» AQ OneWeb jáne Starlink seriktestikteri arqyly poiyzdarǵa spýtniktik internet engizýde. Qazirgi tańda joǵary jyldamdyqty Wi-Fi «Astana – Almaty», «Astana – Óskemen» jáne «Astana – Býrabai» baǵyttarynda qoljetimdi. Jyl sońyna deiin taǵy eki baǵyt qosylady. Búginge deiin 100 myńnan astam jolaýshy internet qyzmetin paidalanyp úlgerdi.
Sonymen birge tablo.railways.kz onlain-servisi iske qosyldy. Bul platformada poiyzdardyń qozǵalysy týraly jedel aqparat qoljetimdi. Málimetter kompaniianyń Sitýatsiialyq ortalyǵyna táýlik boiy 24/7 rejiminde jetkizilip turady.
