Biyl jyl sońyna deiin «Qalamqas», «Hazar» ken oryndaryn igerýdiń tujyrymdamasy ázirlenip, 2028 jylǵa qarai ken igerýdi bastaý josparlanyp otyr. Bul týraly QR Energetika ministri Maǵzum Myrzaǵaliev málim etti, dep habarlaidy QazAqparat.
«Búginde «QazMunaiGaz» kompaniiasy men onyń seriktesteri arasynda atalǵan ken oryndaryn igerý tujyrymdamasyn tańdaý boiynsha talqylaý júrip jatyr. Otandyq ónim kólemin arttyrý turǵysynda bul jobalardyń mańyzy zor. Kúndelikti «QazMunaiGazben» birlesken jumys barysynda bul ken oryndarynyń áleýeti óte joǵary ekenine kózimiz jetip otyr. Jyl sońyna deiin ken ornyn igerýdiń tujyrymdamasyn tańdaý boiynsha sheshim qabyldanady. 2028 jylǵa qarai ken igerýdi bastaý úshin biyl jyl sońyna deiin tujyrymdama tańdalyp, sheshim qabyldanady dep kútip otyrmyz», - dedi Maǵzum Myrzaǵaliev elordada ótip jatqan «KIOGE-2021» halyqaralyq munai jáne gaz kórmesinde tilshilerdiń suraǵyna jaýap bere otyryp.
