Halyqaralyq Olimpiada Komiteti osy ýaqytqa deiin qoldap kelgen Aýstriianyń Insbrýk qalasy aq oiyndardy qabyldaýdan bas tartty. Naqtyraq aitqanda, bul úlken sporttyq sharanyń ótýine jergilikti halyq qarsy bolǵan, - dep habarlaidy "Ult aqparat" Vesti.kz portalyna silteme jasap.
Qazir Halyqaralyq Olimpiada Komiteti tyǵyryqqa tirelip otyr. Sebebi aq oiyndardy ótkizýge nietti basqa qalalar deńgeii sál tómendeý. Eki jyldan keiin 2026 jylǵy qysqy Olimpiada oiyndary qaida ótetini belgili bolady. Al ázirge usynys tastaǵan qalalar sany beseý ǵana: Almaty, Lillehammer, Kalgari, Son, Solt-Leik-Siti.
Sport mamandarynyń aitýy boiynsha atalǵan qalalar arasynda Solt-Leik-Siti men Almaty ǵana negizgi talaptarǵa sáikes keledi. Biraq olardyń da óz kemshilikteri bar. Eger Qazaqstanda ótetin bolsa, aq oiyndar túgelimen Aziia qurlyǵynda ótkendei bolady. Óitkeni 2018 jyl Koreia jáne 2022 jyl Qytai memelektterine tiisti. Sondyqtan aq oiyndaryń bir qurlyqta óte bergeni durys emes.
Al Solt-Leik-Sitidiń oiyndardy ótkizýden bas tartý faktisi óte kóp. Sebebi eki jyldan keiin Los-Andjeleste jazǵy Olimpiada oiyndary ótedi. Eki jyl aralyǵynda qos oiyndardy qabyldaý AQSh eline aýyrǵa túsýi múmkin.
Esterińizge sala keteiik, 2024 jáne 2028 jylǵy jazǵy Olimpiada oiyndarynyń kandidattary anyqtalǵan kezde bar bolǵany Parij ben Los-Andjeles qalalary qalǵan bolatyn. Eki jyl aralyǵynda joǵaryda atalǵan bes qalanyń sany azaiatyny sózsiz. Tipti bul bes qalada Olimpiada oiyndaryn ótkizýden bas tartatyn bolsa, Halyqaralyq Olimpiada Komiteti shynymen tyǵyryqqa tireletini anyq.
