Foto: Úkimet
Qazaqstan geologiialyq barlaý jumystaryn aýqymdy júrgizýde – tek 2025 jyldyń I toqsanynda mys, nikel, kómir, altyn jáne sirek jer metaldarynyń boljamdy resýrstary bar 38 perspektivaly ýchaske anyqtaldy, dep habarlaidy Ult.kz.
Qazaqstan Prezidentiniń tapsyrmasyna sáikes, 2026 jylǵa qarai elimiz aýmaǵynyń geologiialyq-geofizikalyq zerttelýi 2,2 mln sharshy shaqyrymǵa jetýi tiis. 2024 jyly qamtý 2 014,4 myń sharshy shaqyrymdy qurady jáne jumystar belsendi qarqynmen jalǵasýda. 2025 jyldyń birinshi toqsanynda aýqymdy zertteýler: aerotúsirilimderdi deshifrleý, marshrýttyq túsirilim, burǵylaý, sý jáne radiatsiia synamalaryn taldaý, geohimiialyq jáne kameraldyq zertteýler júrgizildi.
Nátijesinde paidaly qazbalarynyń áleýeti joǵary 38 ýchaske anyqtaldy. Boljamdy resýrstar qatarynda:
▪️2,6 mln tonna sirek jer metaldary,
▪️1,1 mlrd tonna qońyr kómir,
▪️3,7 mln tonna mys jáne nikel,
▪️19 tonna altyn bar.
2024-2026 jyldary geologiialyq barlaý jumystaryna 22,83 mlrd teńge bólindi, onyń ishinde 2025 jyly 7,636 mlrd teńge igeriledi. 1:200 000 masshtabtaǵy: 14 tereń geokartalaý, 9 mineragendik jáne 19 gidrogeologiialyq jete zertteý obektileri boiynsha óńirlik jobalar jalǵasýda.
