Foto: Ulyssport.kz
QR Oqý-aǵartý ministri Juldyz Súleimenova Aziia dziýdo odaǵy prezidentiniń keńesshisi, birneshe dúrkin álem chempiony Aidar Mahmetov pen «Jeńis» sport klýbynyń bas direktory Timýr Tursynbaevty qabyldady, dep habarlaidy Ult.kz.
Kezdesý barysynda 2026 jyldan bastap pilottyq negizde «Keleshek mektepterinde» dziýdo sport túrin sektsiialyq formatta iske qosý perspektivasy talqylandy.
Esterińizge sala keteiik, Qazaqstanda Memleket basshysynyń tapsyrmasymen «Keleshek mektepteri» ulttyq jobasynyń aiasynda salynyp jatqan 217 jańa formattaǵy mektepterde 460 myńnan astam oqýshy bilim alady. Búginde bul jańashyl formattaǵy mektepter qazaqstandyq bilim berý júiesiniń infraqurylymdyq jańarýynyń jáne bilim berýdegi innovatsiialardy engizýdiń avangardyna ainaldy.
«Keleshek mektepterinde sapaly bilim, sanaly tárbie berýmen qatar, shyǵarmashylyq, ziiatkerlik, sporttyq úiirmeler arqyly balalardyń boiynda syni oilaý, basqarýshylyq, taktikalyq sheshim qabyldaý, fizikalyq damý, ózine talap qoiý, tártipke baǵyný, shydamdy bolý jáne tózimdilikti damytý, jeńiske umtylý daǵdylaryn erte jastan qalyptastyrýǵa da basymdyq berilýi tiis. Sońǵy jyldary dziýdoǵa qazaqstandyqtardyń qyzyǵýshylyǵy artyp, ol tanymal sport túrine ainalyp keledi, sondyqtan ministrlik federatsiiamen yntymaqtastyqta jumys jasaýǵa nietti», - dedi oqý-aǵartý ministri Juldyz Súleimenova.
Óz kezeginde dziýdo federatsiiasynyń ókilderi 217 «Keleshek mektebinde» ashylatyn dziýdo úiirmeleri úshin jattyqtyrýshylardy kásibi daiyndaýdy, sonymen birge mektep zaldaryn qajetti sporttyq qural-jabdyqtarmen, qatysýshy oqýshylardy arnaiy kimonomen qamtamasyz etýdi óz mindetterine alatyndaryn jetkizdi.
Aita ketý kerek, jobany júzege asyrýda ásirese, aýyl mektepterine basymdyq beriledi.
