Aldaǵy 5 jylda respýblikalyq mańyzǵa ie joldardyń 11 myń shaqyrymy aqyly qyzmetke kóshedi. Redaktsiiaǵa joldaǵan jaýabynda «QazAvtoJol» Ulttyq kompaniiasy» AQ basqarma tóraǵasynyń orynbasary Arman Júsipov osyndai málimet berdi, dep habarlaidy "Ult aqparat".
«Aldaǵy 5 jyl ishinde elimizde joldardyń 44% jýyǵy aqyly bolady. Jalpy uzyndyǵy shamamen 11 myń shaqyrymdy quraidy», - dep jazdy «QazAvtoJol» ókili.
Sondai-aq, ol aqyly joldardan túsken aqsha qaida jumsalatynyn túsindirdi.
«2020 jyly qoldanystaǵy aqyly ýchaskelerden qosymsha qun salyǵyn qosqanda 5,7 mlrd teńge jinaldy. «Avtomobil joldary týraly» Zańnyń 5-babynyń 5-tarmaǵyna sáikes, aqyly ýchaskelerdegi alymdardan alynǵan qarajat:
- aqyly avtomobil joldaryn jóndeýge jáne kútip-ustaýǵa, júrip ótý úshin aqy alýdyń baǵdarlamalyq-apparattyq keshenin ustaýǵa;
- júrip ótý úshin aqy alýdyń baǵdarlamalyq-apparattyq keshenderin engizý jáne ornatý maqsatynda tartylǵan investitsiialardy qaitarýǵa;
- avtomobil joldarynda aqyly qozǵalysty uiymdastyrýǵa baǵyttalady;
- aqyly avtomobil joldaryn kútip-ustaý úshin jol-paidalaný tehnikasyn satyp alý jáne qyzmet kórsetý úshin jumsalady», - delingen Ulttyq kompaniianyń jaýabynda.
