Foto: Liter.kz
Qarjy vitse-ministri Abzal Beisenbekuly 2025 jyly Qazaqstanda áleýmettik salaǵa 9,8 trillion teńge bólý josparlanyp otyrǵanyn aitty. Sondai-aq keler jyly bilim berý salasyna 1 trillion teńge qarajat bólinetinin atap ótti. Osylaisha qazaqstandyq stýdentterdiń de shákirtaqysy ósedi, dep habarlaidy "Ult aqparat".
"Keler jyly bilim berýdi damytýǵa 1 trillion teńge bólinedi. 2025 jyly bilim berý salasyna bólinetin qarajat biylmen salystyrǵanda 116 milliard teńgege kóp", – dedi Qarjy vitse-ministri Abzal Beisenbekuly.
Shyǵyndardyń ósýine mynalar sebep:
- JOO stýdentteriniń shákirtaqy kólemi orta eseppen 15-20% artady. Nátijesinde bakalavriat stýdentteri úshin ortasha shákirtaqy mólsheri 52 372 teńge bolsa, magistranttar 117 098 teńge stipendiia alady.
- "AMANAT" partiiasynyń Sailaýaldy baǵdarlamasyn júzege asyrýǵa josparlanǵan granttar sanyn arttyrý. Nátijesinde 78 myńǵa jýyq jas qazaqstandyq tegin joǵary bilim ala alady.
- JOO stýdentterine jeńildikpen jol júrý aqysyn arttyrý. Bir stýdenttiń jeńildetilgen jol júrý aqysy 15 728 teńge bolady.
- Ǵylymi ataqtary úshin qosymsha tólemderdiń belgilenýine bailanysty ǵalymdardyń eńbekaqysyn arttyrý.
Buǵan deiin 1 qyrkúiekten bastap stýdentterdiń shákirtaqysy ósetini týraly jazǵan edik.
