2025 jyly 100 myń muǵalim qajet bolady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Eger mektep qurylysy máselesin aitar bolsaq, Táýelsizdik jyldarynyń ishinde 2 myńnan astam mektep salyndy. Endi Memleket basshysynyń tapsyrmasyna sáikes, biyldan bastap 2025 jyly keminde 1 myń mektep salý mindeti aldymyzda tur. Qazir oqýshy orny tapshylyǵyna qatysty úlken problemany kórip otyrmyz. Biyl 150 myń túlek mektep bitirip shyqsa, al 1 synypqa 400 myńǵa jýyq balany qabyldadyq. Bir jyldaǵy aiyrmashylyqtyń ózi 250 myń balany qurap otyr. Mektepterdi salmasaq, 2025 jylǵa qarai keminde 1 mln qosymsha oqý orny qajettiligi týyndaidy. Problemany aldyn ala sheshý úshin Prezident taǵy 1 myń mektep salýǵa tapyrma berdi», - dedi ministr QR Prezidenti janyndaǵy Adam quqyqtary jónindegi komissiia otyrysynda.
Onyń atap ótýinshe, jeltoqsan aiynda 200-den astam mektep paidalaýǵa beriledi. Osylaisha, 2025 jylǵa deiin 1 000 jańa mektep salynady.
«Bir myń mektep keminde 100 myń jańa pedagogikalyq mólsherlemeni qosymsha qurýdy talap etedi. Bizge 100 myń muǵalim qajet bolady. Dál osy jait aitarlyqtai úlken syn-tegeýrin bolmaq. Bizge sapaly kadrlarmen jáne materialdyq-tehnikalyq qamtamasyz etý qajet. Osy mindetti sheshý baǵytynda jumys istep jatyrmyz», - dedi Ashat Aimaǵambetov.
