QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda ulttyq ekonomika ministri Timýr Súleimenov pen qarjy ministri Baqyt Sultanov Úkimettiń 2018 jylǵy 9 aqpandaǵy keńeitilgen otyrysynda Memleket basshysy bergen tapsyrmalardyń oryndalýy boiynsha naqty josparlar týraly baiandady, dep habarlaidy "Ult aqparat" primeminister.kz saityna silteme jasap.
Timýr Súleimenovtyń aitýynsha, salyq saiasatyn iske asyrý sharalary 2025 jylǵa deiin JIÓ túsetin salyq túsimderin 25%-ǵa deiin jetkizýdi qamtamasyz etýi tiis. Budan ózge, memlekettik qaryzdar deńgeii erekshe baqylaýǵa alynatyn bolady. Atalǵan máseleni sheshý úshin QR UEM 2018 jyldyń sońyna deiin Ulttyq qor tujyrymdamasyna qaryz indikatorlary esebinen Úkimettiń ishki qaryzyn alyp tastaý turǵysynan ózgerister engizý jóninde jumys júrgizedi.
«Eldegi kásiporyndardyń básekege qabiletti ónidirisi men eksporttyq áleýetin odan ári damytý maqsatynda Investitsiialar jáne damý ministrligimen jáne «Atameken» UKP-men birlese otyryp, osy baǵytta memlekettik qoldaýdyń taldaý sharalary júrgiziledi. Onyń qorytyndysy boiynsha básekege qabiletti eksporttyq ónimderdi shyǵaratyn «Ulttyq chempiondar» sanyn kóbeitý úshin qyzmetter algoritmi men sharalardy iske asyrý boiynsha usynystar jasalady», — dedi Timýr Súleimenov.
Sondai-aq júrgizilip jatqan qurylymdyq reformalar aiasynda 100 naqty qadam Ult josparynyń «Indýstriialandyrý jáne ekonomikalyq ósý» úshinshi baǵytyn iske asyrýǵa turaqty baqylaý júrgiziledi.
Ministrlik Jekeshelendirýdiń keshendi josparyn iske asyrýdy jalǵastyrady. Atalǵan baǵytta iske asyrylyp jatqan jumysty baǵalaý maqsatynda biyl jalpy ekonomika, memlekettik biýdjet pen bizneske jekeshelendirý áserin esepke ala otyryp taldaý jasalatyn bolady.
«Biyl 1 qańtardan bastap 4-shi deńgeidegi biýdjetter engizildi. Búgingi tańda salyq aýyldardyń, kentterdiń jáne halyq sany 2000 adamnan asatyn aýyldyq okrýgterdiń biýdjetterine túsip jatyr», — dedi Timýr Súleimenov.
QR Prezidenti tapsyrmalarynyń ózi jaýapty blokta oryndalý barysy týraly esep berý barysynda qarjy ministri B. Sultanov biyl 28 aqpanda QR QM synaq rejiminde «Astana-1» aqparattyq júiesin iske qosatynyn aitty. Tolyq aýqymdy iske qosý sáýir aiyna josparlanǵan.
Kedendik rásimderden ótý jáne elektrondyq ózara árekettesýdi jalǵastyrý kezinde «Biryńǵai tereze» qaǵidatyn engizý úshin ASYCER platformasynda toǵyz ruqsat qujatyn (sáikestik, aýyl sharýashylyǵy, sanitarlyq-epidemiologiialyq salaýattylyǵy salalarynda) avtomattandyrý jumystary júrgizilýde. Bul sondai-aq IýNKTAD júiesiniń platformasynda da júzege asyrylýda.
«Atalǵan ruqsat qujattary boiynsha tiisti modýlderdi paidalanýǵa berý 2018 jyldyń 1 qazanyna deiin josparlanyp otyr. Bul úshin júieni testileý rejiminde mamyr aiynda iske qosamyz», — dep atap ótti Baqyt Sultanov.
Kedendik tazartý úshin qajetti qalǵan 42 ruqsat qujaty boiynsha, «Astana-1» júiesi «E-litsenziialaý» memlekettik derekter bazasymen biriktiriledi.
Qarjy ministriniń aitýynsha, Dúniejúzilik bank jobasynyń aiasynda qoldanystaǵy «Elektrondy shot-faktýralar» aqparattyq júiesi bazasynda «Virtýaldy qoima» modýli iske asyrylýda. 2019 jyldyń 1 qańtarynan bastap barlyq ónimder boiynsha modýl tolyǵymen iske qosylady dep kózdelgen.
«Sonymen qatar «ITP» DKQ, «IBM» jáne «PWC»-men yntymaqtastyqta blokchein-tehnologiialardy paidalaný arqyly QQS basqarýdyń jańa ádisterin engizý boiynsha jumys júrgizilip jatyr. Aǵymdaǵy jyldyń tamyz aiynda jańa aqparattyq júieniń prototipin engizý josparlanyp otyr», — dedi Baqyt Sultanov.
Ministr Baqyt Sultanovtyń aitýynsha, 2017 jyly salyqtyq jáne kedendik tekserýlerdiń sany 45%-ǵa qysqartyldy.
Eldiń memlekettik qaryzyna qatysty, qarjy ministrliginiń basshysy AHQO birjasynda Euroclear júiesi arqyly eýroobligatsiialardy teńgede shyǵarý josparlanyp otyrǵanyn aitty. Budan ózge, qaryz alý kózderin ártaraptandyrý maqsatynda islamdyq sýkýk obligatsiialaryn shyǵarý kózdelgen.
«Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýyn iske asyrýdy qarjylyq qamtamasyz etý osy jyldyń kókteminde respýblikalyq biýdjettiń naqtylanýy barysynda júzege asyrylatyn bolady. Ulttyq qordy toltyrý máselesi bir jyl buryn boljanyp otyr, iaǵni, 2019 jyly biz bolashaq urpaq úshin qarajat jinaqtaý saiasatyna oralamyz. Buǵan kepildendirilgen transfertti kezeń-kezeńmen qysqartý (2020 jyly 2 trln tg deiin) jáne 2018 jyldan bastap maqsatty transfertti tartýdan bas tartý arqyly qol jetkiziletin bolady», — dep qorytyndylady Baqyt Sultanov.
