2025 jylǵa qarai memlekettiń ekonomikaǵa qatysý úlesi 14 paiyzǵa deiin qysqarady. Bul týraly Úkimet úiinde ótken brifingide QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Ekonomikaǵa memlekettiń qatysýyn qysqartý jónindegi Prezident tapsyrmasyn júzege asyrý maqsatynda 2025 jylǵa deiin jekeshelendirýdiń keshendi jospary júzege asyrylyp jatyr. Nysandardyń 50 paiyzy, al olardyń keshendi jospardaǵy sany 733, osy jyldyń sońyna deiin jekeshelendirýge qoiylady. 2022 jyly 30 paiyzy, al 2023 jáne 2024 jyldary 10 paiyzdan jekeshelendiriledi. Jekeshelendirýdiń árbir nysany boiynsha Memlekettik múlik tizilimige olardy satý jol kartasy ázirlenip, engizildi», - dedi Álihan Smaiylov.
Onyń atap ótýinshe, qazirdiń ózinde Memlekettik múlik komitetiniń elektrondy alańyndaǵy ashyq saýda-sattyq arqyly jekeshelendirý tolyqqandy júrgizilip jatyr.
«Tolyqtai alǵanda, bul is-sharalar 2025 jylǵa qarai ekonomikadaǵy memlekettiń qatysý úlesin 14 paiyzǵa deiin tómendetýge múmkindik beredi», - dedi birinshi vitse-premer.
