QR Indýstriia jáne infraqurylymdyq damý ministrliginde ministr Beibit Atamqulovtyń tóraǵalyǵymen respýblikalyq mańyzy bar avtojoldarda aqyly júie engizý máselesine arnalǵan keńes ótti.
Bul týraly "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap habarlaidy.
Keńes jumysyna vitse-ministr Berik Kamaliev, QR IIDM Avtomobil joldary komitetiniń tóraǵasy Sairanbek Barmaqov, «QazAvtoJol «UK» AQ Basqarma Tóraǵasy Ulan Álipov jáne «Computer Vision Technologies» JShS Basqarma Tóraǵasy Zeinur Maitekov qatysty.
Búgingi tańda uzyndyǵy 5,8 myń shaqyrym bolatyn joldyń 18 ýchaskesinde baqylaý arkalaryn ornatý boiynsha qurylys-montajdaý jumystary aiaqtaldy. 10 ýchaske testilik paidalanýǵa berildi. «Shymkent-Ózbekstan shekarasy», «Oral- RF shekarasy (Saratov)», «Oral – RF shekarasy (Samara)» jáne Aqtóbe – RF shekarasy (Orynbor)», «Shýchinsk-Petropavl», «Shymkent-Qyzylorda», «Shymkent-Taraz», «Taraz-Qainar», «Qapshaǵai-Taldyqorǵan», «Qostanai-Troitsk» ýchaskelerinde 41 baǵdarlamalyq-apparattyq keshen ornatyldy. Barlyq baǵdarlamalyq-apparattyq keshenderdi ornatýdy aiaqtap, qalǵan 8 ýchaskeni testilik paidalanýǵa berý josparlanyp otyr.
Jalpy uzyndyǵy 5,8 myń shaqyrymdy qamtityn I kezeń aiasynda aqyly ýchaskelerdi 2021 jylǵy 30 naýryzda iske qosý josparlanyp otyr.
Aita ketý kerek, 2021 jyly investitsiialyq kelisimshart aiasynda uzyndyǵy 800 shaqyrym bolatyn 5 ýchaskede qurylys-montaj jumystary josparlanǵan. Olar: «Petropavl-RF shekarasy (Qorǵan)», «Shýchinsk – Zerendi», «Taskesken – Baqty», «Jetibai – Jańaózen» jáne «Aqtóbe – Qarabutaq» ýchaskeleri.
Bul másele boiynsha júieli negizde óńirlerde qoǵamdyq tyńdaýlar ótkiziledi. 2020 jyldyń jeltoqsan aiynda osyndai 15 qoǵamdyq tyńdaý ótkizildi. Biylǵy aqpan aiynda 13 ýchaske boiynsha 58 qoǵamdyq tyńdaý ótkizý josparlanǵan.
Esterińizge sala keteiik, 2025 jylǵa qarai Qazaqstandaǵy aqyly joldardyń uzyndyǵy 11 myń shaqyrymǵa jetedi. Odan túsken qarajat joldardy jóndeýge, kútip-ustaýǵa, aqy alý júielerine qyzmet kórsetýge jáne investorǵa tóleýge jumsalady.
