Soltústik Qazaqstan oblysynda 16 jańa mektep salynady. Bul týraly Úkimet otyrysynda Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Oblystyń keshendi josparynda bilim berý salasyn damytý boiynsha mańyzdy bastamalar qarastyryldy. Mektepke deiingi jáne orta bilim boiynsha óńirde 2025 jylǵa qarai 2-6 jastaǵy balalardy qamtýdy 95 paiyzǵa deiin jetkizý qarastyrylǵan. Ol úshin jyl saiyn kestege sáikes jańa balabaqshalar ashylatyn bolady. Vaýcherlik qarjylandyrý tetigin jáne jekemenshik balabaqshalardy damytý jumystaryn uiymdastyrymyz», - dedi ministr.
Onyń aitýynsha, óńirdegi apatty jaǵdaidaǵy mektepter jelisin jáne oqýshy oryndarynyń tapshylyǵyn qysqartý úshin 16 mektep salý kózdelgen.
«Buǵan qosa erekshe bilim berýge qajettiligi bar balalarǵa arnalǵan 400 oryndyq túzetý mektep-internaty salynady. Oblystaǵy 416 mektepti jańǵyrtý jobasy júzege asyrylady. Joba aiasynda kúrdeli jóndeý, mektep jihazdaryn jańartý, kabinetterdi jabdyqtaý, týrniketter men beinebaqylaý ornatý qarastyrylǵan. Munyń bári 416 mektepte júrgiziletin bolady», - dedi A. Aimaǵambetov.
