«Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasyn júzege asyrýǵa 15,9 trln teńge jumsalady, dep habarlaidy QazAqparat.
QR Ulttyq ekonomika ministrligi ázirlegen ulttyq jobany qarjylandyrýdyń jalpy kólemi 15,9 trln teńgeni quraidy. Onyń ishinde respýblikalyq biýdjette 402 mlrd teńge qarastyrylǵan. Al 15,5 trln teńgeni jeke investitsiialar tartý qamtý kózdelgen.
Ulttyq jobany iske asyrý nátijesi 2025 jyly 102 myńnan astam jańa turaqty jumys orny ashylady. Eńbek ónimdiligi 20 paiyzdan astamǵa ósip, óńdeý ónerkásibi ónimderin óndirý kólemi 1,5 esege ulǵaitylady. Shikizattyq emes eksport 41 mlrd AQSh dollaryna deiin eki ese artady. Jańartylatyn energiia kózderinen óndiriletin elektr energiiasynyń úlesi generatsiianyń jalpy kóleminiń 6 paiyzyn quraityn bolady.
«Ulttyq joba Jalpyulttyq basymdyqtardy jáne eldi damytýdyń 2025 jylǵa deiingi ulttyq josparyn iske asyrý úshin qalyptastyryldy jáne 2025 jylǵa qarai ornyqty ekonomikalyq ósimi 5 paiyzdan tómen emes deńgeide qamtamasyz etýge baǵyttalǵan», - dep atap ótedi Ulttyq ekonomika ministrliginen.
Aita keteiik, QR Prezidenti Jarlyǵymen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasy bekitilgen bolatyn. Joba 5 baǵyttan turady jáne 6 negizgi mindet pen 13 kórsetkish aiqyndalǵan.
