2025 jylǵa deiin 5000 mekteptiń infraqurylymy jańartylady. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy QazAqparat tilshisi.
«Taǵy bir mańyzdy baǵyt – mekteptiń infraqurylymyn jańartý. 2025 jylǵa deiin 5000 mekteptiń infraqurylymy jańartylady. Ol degenimiz – balalarǵa qaýipsiz jáne qolaily jaǵdailardy jasaý, joǵary jyldamdyqty Internetpen, pándik kabinettermen qamtamasyz etý, mektep jihazdaryn jańartý, mektep kitaphanalary men ashanalaryn jańartý, kúrdeli jáne keshendi aǵymdaǵy jóndeý júrgizý jáne taǵy basqa bastamalar. Osy maqsatta naqty keste jasalyp, ár aýdan men oblys boiynsha tiisti jospar bekitilip jatyr», - dedi ministr.
Onyń atap ótýinshe, inkliýzivti bilim berý úshin jaǵdai jasaý jumysy jalǵasady.
«Erekshe balalarǵa arnalǵan uiymdardy ashý normativi 50 myń balaǵa 1 psihologiialyq-meditsinalyq-pedagogikalyq konsýltatsiia deiin ózgeredi. Bul osy erekshe balaqailarymyz úshin óte qajet sheshim ekeni sózsiz. Aimaqtarda 46 psihologiialyq-meditsinalyq-pedagogikalyq konsýltatsiia jáne 33 túzetý kabinetin qurý qajet. Ákimdikterden osy jumysty qysqa merzim ishinde júzege asyrýlaryn suraimyn.Býllingtiń, sýidtsidtiń aldyn alý, balalar úshin qaýipsiz orta qalyptastyrý jáne balalardy qaýipsiztasymaldaý úshin avtobýs parkin jańartý jumysy da qolǵa alynady», - dedi Ashat Aimaǵambetov.
