2025 jyldan keiin Mańǵystaýda munai óndirisi tómendeýi múmkin. Óndiris kólemin tómendetpeý úshin reseilik «Lýkoil» kompaniiasymen birge jańa ken oryndaryn igerý kózdelip otyr, dep habarlaidy QazAqparat.
Úkimet otyrysynda Energetika ministri Maǵzum Myrzaǵaliev osyndai jospardy ortaǵa saldy.
«Óńirde munai óndirýdiń tómendeýine jol bermeý úshin rentabeldi emes, sýlanǵan, debiti az ken oryndary boiynsha salyqtyq preferentsiialar berý jóninde usynystar pysyqtalady. Bul jumysty ministrlik «QazMunaiGazben», múddeli memlekettik organdarmen birlesip iske asyrady. M inistrlik Mańǵystaý oblysynyń munai óndirý profilin daiyndady. Munai óndirý kelesi 5 jyl ishinde turaqty bolady. Alaida 2025 jyldan bastap óndirýdiń shamaly tómendeýi baiqalýy múmkin», - dedi vedomstvo basshysy.
Degenmen, ministrdiń aitýynsha, munai men gaz óndirýdi arttyrý salasynda Mańǵystaý oblysynyń áleýeti áli de tolyq paidalanylmaǵan.
«Jańa teńiz jobalaryn iske qosý, atap aitqanda Hazar jáne Qalamqas-teńiz ken oryndaryn igerýdiń arqasynda 2028 jyldan bastap munai óndirýdi 19,5 mln tonnaǵa deiin arttyrý josparlanýda.
Osylaisha, qazirgi ýaqytta «QazMunaiGaz» ben «Lýkoil» osy ken oryndaryn igerý tujyrymdamasyn talqylap jatyr.
Osy máseleniń mańyzyn eskere otyryp, «QazMunaiGaz» aǵymdaǵy jyldyń sońyna deiin tujyrymdama nusqasyn túpkilikti aiqyndaýy qajet.
2028 jyldan bastap jyl saiyn josparlanǵan munai óndirý shamamen 4 mln tonna bolady», - degen maǵzum Myrzaǵaliev jobaǵa investitsiia kólemi shamamen 4,5 mlrd dollar bolatynyn atady.
