Biyl 943 myńnan astam adamdy jumysqa ornalastyrý josparlanýda, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
Osylaisha, iske asyrylyp jatqan jobalar sheńberinde 69 myń qazaqstandyqty jumysqa ornalastyrý qarastyrylǵan, onyń ishinde, sýbsidiialanatyn jumys oryndaryna (onyń ishinde 9 myń grant berý) – 193,8 myń, bos jumys oryndaryna – 318,1 myń, Memleket basshysynyń «10 myń turǵynǵa 100 jumys orny» bastamasy sheńberinde – 341,3 myń, jastarǵa jyldyq 2,5% jeńildikpen shaǵyn kredit berý sheńberinde – 5,8 myń, «Aýyl amanaty» jobasy boiynsha kredit berý sheńberinde – 15,2 myń.
Halyqty qurylatyn jumys oryndary týraly habardar etý, sondai-aq azamattardy jumysqa ornalastyrý protsesiniń ashyqtyǵyn qamtamasyz etý úshin Elektrondyq eńbek birjasynda arnaiy fýnktsional iske qosyldy. Bos jumys oryndary (jobalar, turaqty jáne ýaqytsha jumys oryndary bólinisinde) týraly aqparat jumyspen qamtý organdarynda tirkelgen jumyssyzdar men jumys izdeýdi óz betinshe júzege asyratyn izdenýshiler úshin qoljetimdi.
Jumysqa ornalasý boiynsha monitoring QR Eńbek jáne halyqty áleýmettik qorǵaý ministrliginiń aqparattyq júielerindegi málimetter negizinde júrgiziledi, al olardyń durystyǵyn tekserý eńbek shartyn tirkeý, zeinetaqy jarnalary men áleýmettik aýdarymdardyń bolýy arqyly júzege asyrylady.
Jergilikti atqarýshy organdardyń derekterine sáikes 2024 jylǵy 1 naýryzdaǵy jaǵdai boiynsha 143,7 myń adam jumyspen qamtyldy, onyń 65 myńǵa jýyǵy turaqty jumys oryndaryna ornalastyryldy.
