2020 jyly munai óndirý kólemi 90 million tonnaǵa jetedi.
Bul týraly Parlament Májilisinde eldiń 2020-2024 jyldarǵa arnalǵan áleýmettik-ekonomikalyq damý boljamy boiynsha baiandaǵan QR Ulttyq ekonomika vitse-ministri Mádi Takiev málim etti, dep habarlaidy "Ult aqparat".
«Munai óndirý kólemi 2020 jyly 90 million tonnaǵa, 2024 jyly 100 million tonnaǵa deiin ósedi. Óndirýdiń ósýi Teńiz, Qarashyǵanaq, Qashaǵan ken oryndaryn keńeitý, sondai-aq teńizdegi ken oryndaryn paidalanýǵa berý esebinen bolady», - dedi vitse-ministr.
Onyń atap ótýinshe, nominaldy jalpy ishki ónim 2020 jyly 75 trillion teńgeni, al 2024 jyly - 106 trillion teńgeni quraidy.
«Jan basyna shaqqandaǵy jalpy ishki ónim 2020 jyly 10,5 myń dollardy qurasa, 2024 jyly ol 14,3 myń dollarǵa deiin ulǵaiady. 2020-2021 jyldary infliatsiianyń jyldyq nysanaly dálizi 4,0-6,0% deńgeiinde saqtaldy. Al 2022-2024 jyldary ol dáliz 3,0-5,0% sheginde bolady», - dedi Mádi Takiev.
