Biyl 2 et kombinaty, 5 qus fabrikasy salynady. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy "Ult aqparat".
«Azyq-túlik qaýipsizdigi deńgeiin arttyrý jumysy belsendi júrip jatyr. 29 negizgi azyq-túlik taýarynyń 11-i - 100 paiyzdan asa qamtamasyz etilgen, al 12 taýar boiynsha – 80 paiyzdan artyq. 6 taýar boiynsha importqa táýeldilik bar. Ony azaitý úshin azyq-túlik taýarlary óndirisin ulǵaitý boiynsha keshendi jospar iske asyrylyp jatyr», - dedi Asqar Mamin.
Úkimet basshysynyń dereginshe, biyl 35 sút-taýarly fermany, 2 200 gektar baý-baqsha, 2 et kombinatyn, 5 qus fabrikasyn, 4 balyq óndirisi obektisin iske qosý josparlanǵan.
«Sonymen qatar 2022-2023 jyldary taǵy 70 sút-taýarly fermasyn, 4 400 gektar baý-baqsha, 4 et kombinatyn, 6 qus fabrikasyn, 4 balyq óndirisi obektisin jáne bir qant zaýytyn iske qosý josparlanǵan. Osynyń barlyǵy 2024 jylǵa qarai negizgi azyq-túlik taýarlary boiynsha ishki naryqty tolyq ózin-ózi qamtamasyz etýge múmkindik beredi», - dedi Premer-Ministr.
Onyń atap ótýinshe, biyl mamyrda azyq-túlik taýarlarynyń baǵasy álemde jyldyq mánde shamamen 40 paiyzǵa ósti.
«Al Qazaqstanda qabyldanǵan sharalardyń arqasynda azyq-túlik infliatsiiasy 9,3 paiyzdy qurady. Osy baǵyttaǵy jumys odan ári jalǵasady», - dedi ol.
