2024 jyly aýdan ákimderiniń sailaýdyń pilottyq jobasy engiziledi. QR Prezidenti Qasym-Jomart Toqaev óz Joldaýynda osyndai másele kóterdi, dep habarlaidy "Ult aqparat".
«Bizdiń maqsatymyz – memlekettiń tiimdiligin, saiasi úderistiń ashyqtyǵy men básekelestigin odan ári arttyrý. Sondyqtan saiasi reformalar jalǵasady. Memlekettiligimizdi nyǵaita túsý úshin barlyq ózgeristi elimizdiń ózine tán ereksheligin eskere otyryp, birtindep júzege asyramyz. Bul – myqty, ádil ári ozyq memleket qurýdyń birden-bir durys joly. Azamattarymyz bul ustanymdy qoldap otyr», - dedi Qasym-Jomart Toqaev.
Prezidenttiń sózine qaraǵanda, buǵan deiingi aýyl ákimderin tikelei sailaý tájiribesi óz tiimdiligin kórsetken.
«Bul – meniń byltyrǵy Joldaýymda aitylǵan saiasi reformanyń negizgi máselesi. Osy sheshim aýyl halqynyń, iaǵni qazaqstandyqtardyń 40 paiyzdan astamynyń múddesine tikelei yqpal etedi. Biz durys joldamyz. 2024 jyly azamattar pilottyq rejimde aýdan ákimderin sailaý múmkindigine ie bolady», - dedi Memleket basshysy.
