Foto:burdastyle.ru
Pantone málimeti boiynsha 2024 jyldyń jazynda roibýsh shaiy, apelsin sýsyny siiaqty túster sánde bolady. Ol qandai túster ekenine toqtala keteiik.
London men Niý-Iorkte ótken kóktem-jaz sán aptalyǵynda biylǵy jyldyń jyly maýsymdarynda qandai túster sánde bolatyny anyqtaldy.
Pantone túster institýtynyń mamandary biylǵy sándegi palitralar nostalgiiaǵa toly dep otyr. Sondai-aq salaýatty ómir saltyna kóshýge umtylysty bildiredi eken. Biylǵy reńder shyǵarmashylyq qaýqaryńdy asha túsetin, ózińdi kórsetýge umtyldyratyn, qýanyshty oiatatyn qabiletke ie. Sonymen birge jailylyq pen tynyshtyq syilaityn kórinedi.
1. Roibýsh shaiy / Rooibos tea
Roibýsh (nemese roibos) — aspalathus Linearis tuqymdasyna jatatyn ońtústik afrikalyq butaly ósimdiginen jasalǵan paidaly sýsyn. Bul shaidyń ataýy "Qyzyl buta" dep aýdarylady, sondyqtan qyzyl túsi basym, biraq aǵashtyń qońyr reńimen tús aitarlyqtai jumsarady.
2. Apelsin sýsyny / Orangeade
Apelsin shyryny ashyq sary bolsa da, "apelsin sýsynynyń" túsi qanyq apelsin reńin beredi. Ondai túste qyzǵylt tamshyǵa uqsas reń bar ekeni anyq kórinedi. Keide bul reńdi "kúidirilgen apelsin"dep te atalady. Ol tús "Roibýsh shaiymen" úileskende tipti keremet kórinedi.
3. Sý kress / Watercress
Bul ashy taǵamǵa qosatyn dámdeýish jáne dárilik ósimdik. Kóbinese ózen-kól, teńiz-muhittyń janynda, batpaqta jáne basqa ylǵaldy jerlerde kezdesedi. Shyndyǵynda, onyń reńi Pantone palitrasyna qaraǵanda áldeqaida bai. Alaida, eger siz jumsaq, tozań siiaqty tústerdi jaqsy kóretin bolsańyz, onda bul tútinniń túsindei sur-jasyl reń sizge arnalǵan.
4. Shól dala gúli / Desert Flower
Shabdaly reńi bar bul názik jáne jyly tús Niý-Iork palitrasyndaǵy qyzǵylt tústiń jalǵyz nusqasy ekenin ańǵarý qiyn emes. "Sý kress" shóldala gúlimen úilesimdi jup quraidy dep otyr mamandar. Shabdaly túsine keletin bul názik jáne jyly reńk Niý-Iork palitrasyndaǵy qyzǵylt tústiń jalǵyz nusqasy. Atalǵan tústke "Sý Kress" tony úilesimdi jup retinde kórine alady.
5. Kógildir shambre / Chambray Blue
Ashyq jáne kóńildi kógildir reńk jaz aspany men balǵyn, ári jyly jazǵy keshte bolatyn samalmen bailanys qura alady deýge bolady. Kógildir shambre "shól gúlimen" nemese kez-kelgen tátti pastel reńdermen tolyqtyra otyryp, úilestirýge bolady. Nemese, kerisinshe, ony tynysh jáne baisaldy tústermen, mysaly, kofe tústes qońyr, sur nemese beitarap tústermen aiqyndaýǵa bolady.
6. Pasteldi jupargúl / Pastel Lilac
Lavanda tumany kózge elesteidi. Eger siz bul tumanǵa súńgip ketseńiz, urtyńyzǵa tátti estelik dámi keledi. "Kógildir shambra" siiaqty "pasteldi jupargúl" de sabyrly reńk beretin tepe-teńdikke kedergi keltirmeidi, bul onyń ólshengen, jetilgen kórinisin ashylýǵa kómektesedi.
7. Marlin / Marlin
Bul túske aty berilgen jyrtqysh balyq - Marlin. Ol Atlant muhitynyń tropikalyq jáne mamyrajai sýyn mekendeidi. Marlinde kók tústiń erekshe kompozitsiialyq reńi beitarap bolyp kórinedi, sodan keiin onyń tereńdigin baiqaýǵa bolady. Atalǵan palitralardyń kóptegen tústerine marlin negizgi serik bola alady, biraq deiturǵanmen bul tús te ózinshe erekshe mazmunǵa ie.
8. Limon tamshysy / Lemon Drop
Niý-Iork palitrasynyń býketindegi taǵy bir tsitrýs notasy osy – limon tamshysy. Azdap suiyltylǵan, agressivti emes sary reńk, limon dáminen góri martini negizindegi kokteildi eske skalady. Limon tamshysy jazdyń batyl minezin odan beter aiqyndai túsý úshin taptyrmas tústik palitra.
9. Jalbyz / Mint
Jasyl tústiń jarqyn mentol reńkin qalaǵannyń bári birdei qoldana almaidy. Bul tús batyl, ashyq, talǵamy biik jandarǵa arnalǵan. Jalbyz túsin synap kórýdi sheshkender onyń sergitetin áserin de sezine alady.
10. Kapri / Capri
Tropikalyq jaǵajaidy eske túsiretin kapri reńki dese de salqyn, biraq sonymen birge kóńil-kúidi jylytady. Bul Niý-Iork palitrasynyń taǵy bir jarqyn reń. Shyndyǵyna kelsek, bul túspen dostasý ońai emes. Bidai óńdi, qara-tory jandar úshin jarasymdy tús dep aitýǵa bolady.
