Premer-Ministrdiń birinshi orynbasary Álihan Smaiylov Májilis depýtattarynyń saýalyna bergen jaýabynda 2023 jylǵa qarai Uttyq qordan alynatyn qarajat 2,2 trln teńgege deiin qysqartylatynyn aitty, dep habarlaidy "Ult aqparat".
«2021 jyly Ulttyq bankpen birlesip munaidyń eseptik baǵasyn aiqyndaý tártibin ázirleý josparlanýda. Osyny eskere otyryp, kontrtsikldik qaǵida munai baǵasy joǵary bolǵan kezde Ulttyq qordyń qarajatyn kóbirek jinaýǵa jáne munai baǵasy tómen bolǵan kezde biýdjettiń teńgerimdiligi úshin kepildendirilgen transfertti ulǵaitýǵa múmkindik beredi. Bul fiskaldyq saiasattyń shamadan tys shyǵyndar men qaryz alýdyń ósýine alyp keletin tapshylyqty keńeitý jaǵyna aýytqýyn beitaraptandyrýǵa múmkindik beredi», - dep jazady Álihan Samiylov.
Premer-Ministrdiń birinshi orynbasary kontrtsikldik biýdjet qaǵidasynyń tetigi 2023 jylǵa arnalǵan respýblikalyq biýdjetti qalyptastyrý kezinde qoldanylatynyn eskertedi.
«Ulttyq qordan kepildendirilgen transfert mólsheri birtindep qysqaratyn bolady. Máselen, 2021 jyly kepildendirilgen transfertti 2,7 trln teńgege, 2022 jyly 2,4 trln teńgege, 2023 jyly 2,2 trln teńgege deiin qysqartý kózdelgen», - dep jazylǵan Álihan Smaiylovtyń jaýabynda.
