2023 jyldan bastap 1 synyp tabaldyryǵyn attaǵan balalar latyn grafikasyna negizdelgen qazaq álipbiimen bilim ala bastaidy. Bul týraly QR Mádeniet jáne sport ministrligi Til saiasaty komitetiniń tóraǵasy Ádilbek Qaba aitty, dep habarlaidy QazAqparat.
«Ózderińizge belgili, jaqynda Úkimet janyndaǵy Ulttyq komissiiada jetildirilgen latyn grafikaly qazaq álipbii qaralyp, maquldanǵan bolatyn. Ǵalymdarymyz bul baǵytta 1,5 jyldan astam ýaqyt boiy jumys istedi. Álipbi búkil respýblika boiynsha ashyq talqylanyp, synamalar, beiimdeý júrgizildi. Sóitip, álipbiimizdiń jazylýy, oqylýy, qoldanysy jan-jaqty zerdelendi. Bul álipbi aldaǵy ýaqytta Prezident qaraýyna usynylady. Bekitilgen jaǵdaida aldaǵy ýaqytta kestege sáikes kezeń-kezeńimen latyn álipbiine kóshý jumystary júrgiziledi», - dedi komitet tóraǵasy «Memlekettik til – halyqty uiystyrý quraly» taqyrybyndaǵy otyrys barysynda.
Onyń atap ótýinshe, biyl latyn grafikasyna negizdelgen qazaq álibiin jetik biletin muǵalimder daiarlanyp, orfografiialyq, orfoepiialyq sózdikter, anyqtamalar ázirlenedi.
«Iaǵni, 2021 jyl latyn grafikasyna negizdelgen qazaq álibiin oqytýǵa daiyndyq jyly bolyp eseptelinedi. 2022 jyly balabaqshada tálim-tárbie alyp jatqan balalar oqi bastaidy. Al 2023 jyldan bastap 1 synyp tabaldyryǵyn attaǵan balalar latyn grafikasyna negizdelgen qazaq álipbiin oqidy. Demek, 2031 jyly latyn grafikasyna negizdelgen qazaq álipbiinde bilim alǵan alǵashqy túlekterimiz mektep bitirip, úlken ómirge aiaq basady», - dedi Ádilbek Qaba.
Aita keteiik, atalǵan otyrystyń maqsaty – Qazaqstan Respýblikasy Úkimetiniń janyndaǵy Ulttyq komissiia maquldaǵan jetildirilgen latyn grafikasyndaǵy qazaq álipbii men emle erejelerin qoǵamda keńinen nasihattaý jáne jahandaný kezeńindegi qazaq tilin damytý máselelerin talqylaý.
