2023 jylǵa qarai dárigerlerdiń jalaqysy 2,5 ese ósedi. Bul týraly Nur Otan partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Jahandyq jańa syn-tegeýirindi eskere otyryp, bilim, ǵylym, densaýlyq saqtaý, mádeniet jáne sportqa arnalǵan shyǵystar artady. Bul - adami kapitalǵa, elimizdiń bolashaǵyna salynǵan strategiialyq investitsiia. Densaýlyq saqtaý salasyn qarjylandyrý kólemi jalpy ishki ónimniń keminde 5 paiyzyn quraidy», - dedi Memleket basshysy.
QR Prezidenti tsifrlandyrý, telemeditsina, biologiialyq qaýipsizdik infraqurylymyn qamtityn Biryńǵai ulttyq júieni qurý aiaqtalatynyn atap ótti.
«Nur-Sultan men Almaty qalalarynda 2 ǵylymi-innovatsiialyq kópbeiindi klinika salynady. Óńirlik meditsinany damytý úshin elimizdiń barlyq oblysynda 20 zamanaýi meditsinalyq ortalyq salamyz. Aýdandyq aýrýhanalar men perzenthanalardy, aýyldyq emdeý mekemelerin barlyq qajetti jabdyqtarmen qamtamasyz etemiz. 2023 jylǵa qarai dárigerlerdiń jalaqysy 2,5 ese ósetin bolady. Basty maqsat - qazaqstandyqtardyń ortasha ómir súrý jasyn 75 jasqa jetkizý», - dedi Qasym-Jomart Toqaev.
