2023 jyldan aýyl mektepterin jan basyna qarjylandyrýǵa birtindep kóshirý bastalady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov málim etti, dep habarlaidy QazAqaparat.
«Tolyq jinaqtalǵan aýyl mektepterin jan basyna qarjylandyrýǵa birtindep kóshirýdi 2023 jyldan bastaityn bolamyz. 2022 jyly pilotty jobany ótkizemiz. Biz 2020 jyly barlyq qala mektepterin jan basyna qarjylandyrýǵa kóshirdik jáne onyń oń nátijesin kórip otyrmyz. Birinshiden ol – ártúrli óńirlerdegi mektepterdi qarjylandyrý kólemin birshama teńestirdi, mektepterdiń materialdyq-tehnikalyq bazasyn nyǵaitýǵa múmkindik berip, biýdjet qarajatyn paidalanýdyń tiimdiligin arttyrý jáne bilim berý salasyna jekemenshik investitsiialar tartýǵa jaǵdai jasady», - dedi A. Aimaǵambetov.
Onyń aitýynsha, atalǵan qadamdar qala men aýyl mektepteri arasyndaǵy sapa alshaqtyǵyn da sheshýge múmkindik beretin bolady.
