Parlament Májilisiniń jalpy otyrysynda QR Ulttyq ekonomika ministri Áset Erǵaliev 2022-2026 jyldarǵa arnalǵan áleýmettik-ekonomikalyq damý boljamy boiynsha baiandady, dep habarlady QazAqparat.
«Respýblikalyq biýdjet jobasy munaidyń baǵasy barreline 60 dollar bolǵanda qalyptastyryldy. Munai óndirý kólemi 2022 jylǵy 87,9 million tonnadan 2026 jyly 107,4 million tonnaǵa deiin ulǵaiady. 2022 jyly jalpy ishki ónimniń naqty ósýi 3,9% deńgeiinde boljanýda. 2026 jyly 5,2% -ǵa deiin jetedi. 2026 jyly nominaldy jalpy ishki ónim 119,9 trillion teńgege deiin ósýimen 2022 jyly 87,1 trillion teńgeni quraidy», - dedi Á. Erǵaliev.
Onyń aitýynsha, 2022 jyly taýarlar eksporty 60,1 milliard dollar deńgeiinde boljanyp otyr jáne 2026 jylǵa deiin 79,8 milliard dollarǵa deiin ulǵaiady. Taýarlar importy 2022 jyly 40,8 milliard dollardan 2026 jyly 43,4 milliard dollarǵa deiin ulǵaiady.
