«Ashyq NQA» portalynda «2022-2024 jyldarǵa arnalǵan respýblikalyq biýdjet týraly» zańnyń jobasy jariialandy, dep habarlaidy QazAqparat.
Qujatta 2022 jyldyń 1 qańtarynan bastap jalaqynyń eń tómengi mólsheri 60 000 teńge bolatyny aitylǵan. Al memlekettik bazalyq zeinetaqy tóleminiń eń tómengi mólsheri 19 450 teńge bolady dep kórsetilgen.
Zań jobasy boiynsha, 2022 jyldyń 1 qańtarynan bastap zeinetaqynyń eń tómengi mólsheri – 46 302 teńge bolmaq.
6 qazanǵa deiin qoǵam talqysyna usynylyp otyrǵan qujat jobasynda ózge de áleýmettik tólemderdiń mólsheri naqtylanǵan:
- aiyppul sanktsiialaryn, salyqtar men basqa da tólemderge qoldanylatyn ailyq eseptik kórsetkish – 3 063 teńge;
- bazalyq áleýmettik tólemderdiń mólsherin esepteitin eń tómen kúnkóris deńgeiiniń shamasy – 36 018 teńge.
Jobanyń túsindirme jazbasynda bul qujattyń jobasyn qabyldaý arqyly eń tómengi jalaqy mólsherin qazirgi 42 500 teńgeden 60 000 teńgege deiin arttyrý kózdelgeni aitylǵan.
