«QR Turǵyn úi máselelesi boiynsha zańǵa ózgerister men tolyqtyrýlar engizý týraly» zań jobasy Parlament Senatynyń ekinshi oqylymyna joldandy, dep habarlaidy QazAqparat.
Parlament Senatynyń ekonomikalyq saiasat, innovatsiialyq damý jáne kásipkerlik komiteti búgin «QR Turǵyn úi máselelesi boiynsha zańǵa ózgerister men tolyqtyrýlar engizý týraly» zań jobasyn qarady.
«Bul zań jobasy úsh márte kóptiń aldynda talqylanǵan bolatyn. Zań jobasynyń alǵashqy nusqasy men qazirgi nusqasynyń aiyrmashylyǵy úlken. Zań jobasyna osy ýaqytqa deiin 400-ge tarta ózgeris pen tolyqtyrý engizildi. Májilis jáne Senat depýtattary óz tarapynan tiisti usynystardy engizdi. Jumys tobynyń birneshe otyrysy ótip, uzaq talqydan keiin zań jobasy Senattyń ekinshi oqylymyna joldandy», - dedi QR Indýstriia jáne infraqurylymdyq damý birinshi vitse-ministri Qaiyrbek Óskenbaev búgingi Senattaǵy otyrystan keiin tilshilerge bergen jaýabynda.
Vitse-ministrdiń aitýynsha, PIK-ter 2022 jyldyń 1 shildesinde jumysyn toqtatady.
«Sebebi, biz norma boiynsha basqarý formasy ózgergenge deiin 3 jyl ýaqyt surap otyrmyz. Aldaǵy bir jylda kez kelgen turǵyn úidiń turǵyndary qandai basqarý formasyn tańdaitynyn aiqyndap alýy kerek. Olar qarapaiym seriktestikti tańdai ma, álde, úidiń búkil sharýasyn zańdy tulǵa júrgizgenin qalai ma – anyqtap alýy tiis. Iaǵni, turǵyndar basqarý organyn tańdaýǵa quqyly. Olar zańdy tulǵaǵa júginbei-aq basqarýshy kompaniiamen kelisip ala alady. Zań jobasy boiynsha qasbettiń, shatyrdyń qalypty jaǵdaida bolýyna qatysty jergilikti atqarýshy organdarǵa úlken quziret beriledi», - dedi ol.
