2022 jyly mektepke deiingi bilim berýdi qarjylandyrýdyń vaýcherli mehanizmi jappai engiziledi. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Bilim jáne ǵylym ministrligi 2021 jylǵy jeltoqsanǵa deiin mektepke deiingi bilim berýdi qarjylandyrýdyń vaýcherli mehanizmin engizý boiynsha pilottyq jobany aiaqtasyn jáne 2022 jyldan bastap ony jappai engizýdi qamtamasyz etsin. Bul rette balabaqshalardyń jumysy ata-analardyń qanaǵattaný deńgeiin, balalardyń damý kórsetkishterin, tamaqtaný sapasyn, qoǵamnyń baǵasyn eskere otyryp baǵalanýy kerek», - dedi Úkimet basshysy.
Osyǵan bailanysty Asqar Mamin Bilim jáne ǵylym ministrligine 2021 jylǵy 1 sáýirge deiin balabaqshalar jumysy sapasynyń álemdik tájiribede qabyldanǵan kórsetkishterin bekitýdi jáne engizýdi tapsyrdy.
«Ákimdikter 2021 jyly jeke balabaqshalar jelisin damytý arqyly 32 myń orynǵa deiin ashý boiynsha jumys júrgizsin», - dedi Premer-Ministr.
