Elordada Dúniejúzilik standarttar kúnine arnalǵan forým ótip jatyr, dep habarlaidy QazAqparat.
Eksport úshin mańyzdy elder bestiginde birinshi orynda Qytai tur.
- Búgingi forýmda standarttaý salasy qazaqstandyq kompaniialarǵa, kórshi memlekettegi biznes-seriktesterge qandai járdem kórsete alatyny talqylanady. Kórshi memleketter ishindegi eń úlkeni - Qytai, sondyqtan elimizdegi óndirýshiler ol jaqqa qandai ónimder ótkize alatynyn taldap, tujyrym jasaimyz, - deidi QR IIDM Tehnikalyq retteý jáne metrologiia komiteti tóraǵasynyń orynbasary Serik Qusaiynov.
Ulttyq eksport strategiiasyn damytý sheńberinde shikizattyq emes eksporttyń úlesi 2022 jylǵa qarai 1,5 ese ósýi tiis.
- Qytaiǵa taýar ótkizý óte qiyn, sol sebepti olardyń zańnamasyn durystap talqylaýymyz kerek. Qazirgi tańda elimizde keremet taýarlar shyǵarylyp jatyr. Prezident Joldaýynda aitylyp ótkendei, shikizat emes, daiyn taýarlardy ótkizý máselesi kóterilip jatyr, - deidi Serik Qusaiynov.
Saýda jáne integratsiia ministrligi Saýda jáne syrtqy saýda qyzmeti salasyndaǵy memlekettik basqarýdyń tiimdiligin arttyrý, shikizattyq emes taýarlar men qyzmetterdiń eksportyn damytý jáne ilgeriletý jónindegi mindetterdi shoǵyrlandyrady. Dúniejúzilik standarttar kúnin merekeleý QR damýynyń strategiialyq mańyzdy vektory - eksportqa nazar aýdarýǵa múmkindik berdi.
