«Qazgidromet» mamandary 2022 jylǵy qańtar aiyna aýa raiy boljamyn usyndy, dep habarlaidy QazAqparat.
Qańtar aiynyń basynda Qazaqstan aýmaǵynyń basym bóliginde joǵary qysym aimaǵynyń áseri saqtalady, osyǵan bailanysty aiazdy, bulty az aýa raiy boljanady.
Alaida elimizdiń batys aimaqtaryna Soltústik tsiklon jyrasynyń tereńdeýimen, jaýyn-shashyn, jeldiń kúsheiýi, kóktaiǵaq boljanady.
Tsiklon jyrasynyń shyǵys baǵytta yǵysýyna bailanysty respýblikanyń qalǵan aýmaǵynda da aýa raiynyń sipaty turaqsyz.
Soltústik óńirlerde burqasyn, ekpindi jel, ońtústik óńirlerde jaýyn-shashyn (qar men jańbyr túrinde), kóktaiǵaq jáne tuman bolady.
Aýa temperatýrasy eldiń soltústik jartysynda túnde -17-28°S-tan -3-13°S-qa deiin, kúndiz -10-18°S-tan 0,-8°S-qa deiin, ońtústik jartysynda kúndiz +5+12°S-qa deiin, eldiń batysynda -3+2°S-qa deiin birtindep joǵarylaidy.
Birinshi onkúndiktiń ortasynda el aýmaǵyna kezekti sýyq antitsiklon áser ete bastaidy.
Respýblikanyń basym bóliginde jaýyn-shashyn toqtaidy jáne aýa temperatýrasy birtindep tómendeidi.
Soltústik-batysta, soltústikte, ortalyqta, al birinshi onkúndiktiń sońynda QR shyǵysynda túngi saǵattarda termometr baǵany -17-32°S-qa deiin, ońtústik jartysynda -3-13°S-qa deiin, batysynda -8-23°S-qa deiin tómendeidi.
Mundai aýa raiy uzaqqa sozylmaidy, óitkeni antitsiklonnyń ornyna Skandinaviia aimaqtarynan tsiklon qaitadan aýysady, onyń áserinen turaqsyz aýa raiy saqtalady jáne aiaz álsireidi.
Konsýltativtik aýa raiy boljamyna sáikes 2022 jylǵy qańtardyń ekinshi jáne úshinshi onkúndiginde Qazaqstannyń basym bóliginde aýa raiy birinshi onkúndiktegi siiaqty jii ózgeredi.
Aiazdy kúnder jyly kúndermen almasady, qar jaýady, burqasyn men ekpindi jel boljanady, QR ońtústik jartysynda negizinen jaýyn-shashyn (jańbyr, qar), kóktaiǵaq qubylystary men tuman qubylystary bolady.
Iran aýdandarynan respýblikanyń basym bóligine jyly aýa massalary keledi. Sonyń áserinen aýanyń ortasha ailyq temperatýrasy normadan 1-2° joǵary bolady.
Tek eldiń soltústik-batys bóligine tsiklonnyń biik jyrasynyń jii áser etýimen aýa temperatýrasy klimattyq norma shamasynda kútiledi.
Jaýyn-shashyn mólsheri respýblika aýmaǵynyń basym bóliginde normaǵa jýyq.
Qazaqstannyń soltústik jartysynda, ońtústiktiń, ońtústik-shyǵystyń, shyǵystyń taýly jáne taý bókterindegi aimaqtarynda normadan kóp bolady dep kútilýde.
Mańǵystaý oblysynyń ońtústiginde, Qyzylorda oblysynyń ońtústik-batysynda normadan az.
Tsiklondyq áreket jáne antitsiklonnyń jii áserinen bir ai ishinde aýa temperatýrasynyń aýytqýy boljanady:
QR soltústik jartysy men batysynda túnde -25-35°S tan -3-13°S-qa deiin, kúndiz -15-25°S tan -5+5°S-qa deiin.
QR ońtústik jartysy men ońtústik-batysynda túnde -10-28°S tan -5+5°S-qa deiin, kúndiz -5-10°S tan +5+15°S-qa.
