«قازگيدرومەت» ماماندارى 2022 جىلعى قاڭتار ايىنا اۋا رايى بولجامىن ۇسىندى, دەپ حابارلايدى قازاقپارات.
قاڭتار ايىنىڭ باسىندا قازاقستان اۋماعىنىڭ باسىم بٶلٸگٸندە جوعارى قىسىم ايماعىنىڭ ەسەرٸ ساقتالادى, وسىعان بايلانىستى ايازدى, بۇلتى از اۋا رايى بولجانادى.
الايدا ەلٸمٸزدٸڭ باتىس ايماقتارىنا سولتٷستٸك تسيكلون جىراسىنىڭ تەرەڭدەۋٸمەن, جاۋىن-شاشىن, جەلدٸڭ كٷشەيۋٸ, كٶكتايعاق بولجانادى.
تسيكلون جىراسىنىڭ شىعىس باعىتتا ىعىسۋىنا بايلانىستى رەسپۋبليكانىڭ قالعان اۋماعىندا دا اۋا رايىنىڭ سيپاتى تۇراقسىز.
سولتٷستٸك ٶڭٸرلەردە بۇرقاسىن, ەكپٸندٸ جەل, وڭتٷستٸك ٶڭٸرلەردە جاۋىن-شاشىن (قار مەن جاڭبىر تٷرٸندە), كٶكتايعاق جەنە تۇمان بولادى.
اۋا تەمپەراتۋراسى ەلدٸڭ سولتٷستٸك جارتىسىندا تٷندە -17-28°س-تان -3-13°س-قا دەيٸن, كٷندٸز -10-18°س-تان 0,-8°س-قا دەيٸن, وڭتٷستٸك جارتىسىندا كٷندٸز +5+12°س-قا دەيٸن, ەلدٸڭ باتىسىندا -3+2°س-قا دەيٸن بٸرتٸندەپ جوعارىلايدى.
بٸرٸنشٸ ونكٷندٸكتٸڭ ورتاسىندا ەل اۋماعىنا كەزەكتٸ سۋىق انتيتسيكلون ەسەر ەتە باستايدى.
رەسپۋبليكانىڭ باسىم بٶلٸگٸندە جاۋىن-شاشىن توقتايدى جەنە اۋا تەمپەراتۋراسى بٸرتٸندەپ تٶمەندەيدٸ.
سولتٷستٸك-باتىستا, سولتٷستٸكتە, ورتالىقتا, ال بٸرٸنشٸ ونكٷندٸكتٸڭ سوڭىندا قر شىعىسىندا تٷنگٸ ساعاتتاردا تەرمومەتر باعانى -17-32°س-قا دەيٸن, وڭتٷستٸك جارتىسىندا -3-13°س-قا دەيٸن, باتىسىندا -8-23°س-قا دەيٸن تٶمەندەيدٸ.
مۇنداي اۋا رايى ۇزاققا سوزىلمايدى, ٶيتكەنٸ انتيتسيكلوننىڭ ورنىنا سكانديناۆييا ايماقتارىنان تسيكلون قايتادان اۋىسادى, ونىڭ ەسەرٸنەن تۇراقسىز اۋا رايى ساقتالادى جەنە اياز ەلسٸرەيدٸ.
كونسۋلتاتيۆتٸك اۋا رايى بولجامىنا سەيكەس 2022 جىلعى قاڭتاردىڭ ەكٸنشٸ جەنە ٷشٸنشٸ ونكٷندٸگٸندە قازاقستاننىڭ باسىم بٶلٸگٸندە اۋا رايى بٸرٸنشٸ ونكٷندٸكتەگٸ سيياقتى جيٸ ٶزگەرەدٸ.
ايازدى كٷندەر جىلى كٷندەرمەن الماسادى, قار جاۋادى, بۇرقاسىن مەن ەكپٸندٸ جەل بولجانادى, قر وڭتٷستٸك جارتىسىندا نەگٸزٸنەن جاۋىن-شاشىن (جاڭبىر, قار), كٶكتايعاق قۇبىلىستارى مەن تۇمان قۇبىلىستارى بولادى.
يران اۋداندارىنان رەسپۋبليكانىڭ باسىم بٶلٸگٸنە جىلى اۋا ماسسالارى كەلەدٸ. سونىڭ ەسەرٸنەن اۋانىڭ ورتاشا ايلىق تەمپەراتۋراسى نورمادان 1-2° جوعارى بولادى.
تەك ەلدٸڭ سولتٷستٸك-باتىس بٶلٸگٸنە تسيكلوننىڭ بيٸك جىراسىنىڭ جيٸ ەسەر ەتۋٸمەن اۋا تەمپەراتۋراسى كليماتتىق نورما شاماسىندا كٷتٸلەدٸ.
جاۋىن-شاشىن مٶلشەرٸ رەسپۋبليكا اۋماعىنىڭ باسىم بٶلٸگٸندە نورماعا جۋىق.
قازاقستاننىڭ سولتٷستٸك جارتىسىندا, وڭتٷستٸكتٸڭ, وڭتٷستٸك-شىعىستىڭ, شىعىستىڭ تاۋلى جەنە تاۋ بٶكتەرٸندەگٸ ايماقتارىندا نورمادان كٶپ بولادى دەپ كٷتٸلۋدە.
ماڭعىستاۋ وبلىسىنىڭ وڭتٷستٸگٸندە, قىزىلوردا وبلىسىنىڭ وڭتٷستٸك-باتىسىندا نورمادان از.
تسيكلوندىق ەرەكەت جەنە انتيتسيكلوننىڭ جيٸ ەسەرٸنەن بٸر اي ٸشٸندە اۋا تەمپەراتۋراسىنىڭ اۋىتقۋى بولجانادى:
قر سولتٷستٸك جارتىسى مەن باتىسىندا تٷندە -25-35°س تان -3-13°س-قا دەيٸن, كٷندٸز -15-25°س تان -5+5°س-قا دەيٸن.
قر وڭتٷستٸك جارتىسى مەن وڭتٷستٸك-باتىسىندا تٷندە -10-28°س تان -5+5°س-قا دەيٸن, كٷندٸز -5-10°س تان +5+15°س-قا.
