Qazaqstan ekonomikasy 2021 jyldy 8,5-8,7% infliatsiiamen aiaqtaidy. QR Ulttyq banki osyndai boljam aityp otyr, dep habarlaidy QazAqparat.
«Baǵa ósiminiń aǵymdaǵy serpinin eskere otyryp, Ulttyq Bank infliatsiianyń 2021 jyldyń qorytyndylary boiynsha 8,5-8,7% sheginde qalyptasatynyn kútýde. Úkimet pen jergilikti atqarýshy organdar Infliatsiiaǵa qarsy den qoiý sharalary keshenin odan ári tiimdi iske asyrǵan kezde infliatsiia boljamdy diapazonnyń tómengi shegine jaqyn qalyptasady», - dep jazylǵan Ulttyq banktiń bazalyq mólsherleme týraly túsindirmesinde.
Bank ókilderi azyq-túlikke jatpaityn taýarlar men qyzmetterdiń qysqa merzimdi infliatsiiasy jyl sońyna deiin saqtalatynyn boljap otyr.
«Aqyly qyzmetter qunynyń qalypty ósýi boljanady. Ol turǵyn úi-kommýnaldyq qyzmetter naryǵyndaǵy qazirgi baǵanyń saqtalýyna negizdeletdi. Syrtqy infliatsiialyq ortanyń saqtalýy, azyq-túlikke jatpaityn naryqtardaǵy infliatsiialyq protsesterdiń qarqyn alýy, tutyný belsendiliginiń qalpyna kelýi, joǵary infliatsiialyq kútýler jáne taýarlar men qyzmetterdiń ózindik qunynyń ósýi arqyly janar-jaǵar mai baǵasy ósýiniń janama áseri baǵalarǵa qatty qysym kórsetedi. Kómir baǵasynyń yqtimal ósimi aiasynda elektr energiiasy tarifteriniń budan bylaiǵy ósý táýekeli bar. 2022 jylǵy birinshi toqsanda infliatsiianyń eń joǵary shegi kútiledi. Sodan keiin onyń birtindep báseńdeitini baiqalady», -dep jazylǵan Ulttyq bank aqparatynda.
Degenmen qarjy retteýshisi infliatsiiaǵa qarsy den qoiý sharalary óz jemisin berip, 2022 jyly infliatsiianyń deńgeii 6,0-6,5%-ǵa deiin birtindep baiaýlaitynyn boljap otyr.
«Infliatsiianyń tómendeýin 2021 jyly qalyptasqan joǵary baza ustap turady. Sonymen birge, taýarlar men qyzmetterdiń jekelegen naryqtaryndaǵy teńgerimsizdikke, jahandyq jáne jergilikti jetkizilim tizbeginiń toptap qalýyna jáne joǵary infliatsiialyq kútýlerdiń saqtalýyna bailanysty proinfliatsiialyq táýekelderdi iske asyrý 2022 jylǵy infliatsiianyń boljamdy máninen joǵary qalyptasýyna alyp kelýi múmkin.
Ulttyq Bank kelesi sheshimin infliatsiialyq kútýlerdiń serpinin, infliatsiianyń ornyqty quramdas bólikterin, sondai-aq epidemiologiialyq ahýaldyń syrtqy jáne ishki suranysqa áserin eskere otyryp qabyldaidy. Kútýlerdiń, infliatsiianyń jáne onyń ornyqty quramdas bólikteriniń turaqsyz baiaýlaýy kezinde Ulttyq Bank monetarlyq talaptardy barynsha kúsheitýdi jalǵastyrady», - delingen Ulttyq bank málimetinde.
