QR Premer-ministriniń birinshi orynbasary Álihan Smaiylov «baǵaly metaldar men asyl tastardan jasalǵan zergerlik buiymdardy óndirý jáne satýdy» jalpy jikteýishte ekonomikalyq qyzmettiń jekelegen túri retinde bólýge qatysty depýtattyq saýalǵa jaýap berdi, dep habarlaidy QazAqparat.
«Ekonomikalyq qyzmet túrleriniń jalpy jikteýishi (EQJJ) 2024 jylǵa deiin qoldanylady jáne Eýropalyq ekonomikalyq qoǵamdastyqtyń ekonomikalyq qyzmet túrleriniń statistikalyq jiktemesin (NACERev.2.) eskere otyryp ázirlendi. Zergerlik jáne osyǵan uqsas buiymdar óndirisi EQJJ 32.12 kodymen belgilengen jáne baǵaly metaldar jalatylǵan baǵaly nemese jartylai baǵaly tastardan nemese baǵaly metaldar men baǵaly nemese jartylai baǵaly tastarmen nemese basqa da materialdarmen úilesken zergerlik buiymdar óndirisiniń synyptyq tarmaǵyn qamtidy», - dep jazdy Álihan Smaiylov jaýapta.
Onyń aitýynsha, arnaiy mamandandyrylǵan dúkenderde saǵattar men zergerlik buiymdardyń bólshek saýdasy EQJJ 47.77 kodymen jáne saǵat pen zergerlik buiymdardyń kóterme saýdasy EQJJ 46.48 kodymen belgilengen. Osylaisha, joǵaryda atalǵan jalpy jikteýishter qymbat metaldar men asyl tastardan jasalǵan zergerlik buiymdardy óndirý jáne satý boiynsha osy ekonomikalyq qyzmet túrin jikteýge múmkindik beredi.
Aqparatta aitylǵandai, salyq tóleýshiler sany EQJJ boiynsha mynadai salalarda kórinis tapqan: 1) zergerlik buiymdar men oǵan uqsas buiymdar óndirisi (2017 jyly – 186 adam, 2018 jyly – 200 adam, 2019 jyly – 216 adam, 2020 jyly – 211 adam, 2021 jylǵy 9 aida – 197 adam); 2) saǵat jáne zergerlik áshekeilerdiń kóterme saýdasy (2017 jyly – 70 adam, 2018 jyly – 74, 2018 jyly – 2019 – 80, 2020-73, 9 aida 2021-79); 3) saǵattar men zergerlik buiymdardy bólshek saýdada satý (mamandandyrylǵan dúkenderde – 2017 jyly 1230 adam, 2018 jyly – 1343, 2019 jyly – 1419, 2020 jyly – 1427, 2021 jyldyń 9 aiynda – 1289).
«2017 jyly joǵaryda atalǵan sanattaǵy adamdardan biýdjetke jalpy 2,5 mlrd teńge salyq tústi, onyń ishinde QQS – 1,5 mlrd teńge. 2018 jyly – barlyq salyq 3,2 mlrd teńge bolsa, onyń ishinde QQS – 1,8 mlrd teńge, 2019 jyly barlyq salyq – 4,3 mlrd teńge, onyń ishinde QQS – 2,4 mlrd teńge, 2020 jyly barlyǵy 4 mlrd teńge salyq túsken, onyń ishinde QQS 2,7 mlrd teńge, biylǵy 9 aida barlyǵy 4,5 mlrd teńge salyq tústi, bul biýdjetke QQS túsiminiń aitarlyqtai artqanyn kórsetedi», - dedi Premer-ministrdiń orynbasary.
