2020 jylǵy qańtarda Turǵyn úi qurylys jinaq banki túbegeili jańa servis — videobankingti iske qosty. Klient onyń kómegimen bank menedjerimen beine bailanys arqyly bailanysyp, qashyqtan keńes ala alady. Bul týraly PrimeMinister.kz-ke bergen suhbatynda «Qazaqstannyń turǵyn úi qurylys jinaq banki» AQ basqarma tóraiymy Lázzat Ibragimova málimdedi.
L. Ibragimovanyń aitýynsha, tótenshe jaǵdai rejimi bastalǵannan beri Qazaqstanda Turǵyn úi qurylys jinaq bankiniń aldynda onlain-rejimde qyzmet kórsetýdi jalǵastyrý mindeti tur.
«Biz Qazaqstannyń barlyq iskerlik belsendiligi soqtyǵysqan problemalarǵa tap boldyq. Naýryz aiynyń sońynda, karantindik sharalar qabyldanady dep jariialanǵan kezde jáne keibir qalalardyń sanitarlyq dárigerleri bizdiń filialdarymyzǵa jumys isteýge tyiym salǵan kezde biz keibir fýnktsiialardy onlain rejimge kóshirdik», — dedi ol.
Osy qiyn-qystaý kezeńde suranysqa asa ie qyzmetterdiń biri osy jyldyń qańtar aiynda iske qosylǵan videobanking boldy. Jańa servistiń iske qosylýymen birge jańa mamandyq — videobankir paida boldy.
«Saittan beine qońyraý jasaǵanda, siz filialǵa kelgen kezde jasaityndai operatsiialardy oryndaisyz. Sizge qarama-qarsy videobankir otyrady. Siz ózińizdi tanystyrǵan kezde ishindegi júie birneshe minýt fotosýret pen biometriialyq sáikestendirý jasaidy», — dedi TQJB basqarma tóraiymy.
Adam tulǵasyn anyqtaǵannan keiin bank operatorlary operatsiialardy oryndaýǵa kirisedi. Qazirgi ýaqytta videobanking arqyly ekinshi depozitti ashý, sharttyq somany ózgertý, basqa bankterge basqa shottarǵa aqshany aýdarý, depozitti onlain shegerý jáne t. b. sekildi TQJB qyzmetteri qoljetimdi.
Biyl tamyz aiynda taǵy da birqatar qyzmetter qoljetimdi bolady, atap aitsaq: shartty tolyq buzý, depozitterdi biriktirý, onlain-saqtandyrý. Sonymen qatar L. Ibragimovanyń aitýynsha, bolashaqta tipti alǵashqy depozitti ashýdy onlain formatqa aýystyrý josparlanyp otyr.
«Ol tutastai jańa onlain-qyzmet bolady. Siz atalǵan depozitti banktiń filialyna kelmesten, onlain rejiminde asha alasyz. Biz bul óte durys sheshim bolady dep oilaimyz. Bul pandemiiamen kúresýdiń mańyzdy sharasy, munda adamdy tikelei bailanysqa shaqyrmaimyz, filialdarymyzda adamdardyń kóptep jinalýyn shekteimiz», — dedi ol.
Sonymen qatar Banktiń filialdyq júiesi qaryz berý protsesine shoǵyrlandyrylatyn bolady. Bul qaryz berý kezinde týyndaityn kóptegen shekteýlerge bailanysty. Mysaly, baǵalaýshyny shaqyrý, mámileni notarialdy rastaý jáne t. b. Alaida, L. Ibragimovanyń aitýynsha, bul máselede de bank onlain-formatqa kóshý múmkindigin qarastyrýda jáne kelesi jyly Qazaqstanda onlain-ipoteka paida bolýy múmkin.
«Búginde zańnamalyq bastamalardyń shaǵyn toptamasyn daiyndap, Indýstriia jáne infraqurylymdyq damý ministrligimen, Ulttyq bankpen máseleni talqylap jatyrmyz. Úkimetke keibir zańdarǵa ózgerister engizýdi usynǵymyz keledi, bul Qazaqstanda tolyqqandy onlain-ipoteka qurýǵa múmkindik beredi, onda siz úiden shyqpai-aq, óz úiińizge nesie resimdei alasyz», — dep habarlady L. Ibragimova.
Onyń aitýynsha, qazir bul ishinara júzege asyrylǵan. Bankte aldyn ala saralaý qarastyrylǵan. Munda klient óziniń elektrondyq tsifrlyq qoltańbasynyń kómegimen ótinimge qol qoiady, al bank óz kezeginde onyń tólem qabilettiligin Birinshi kredittik biýronyń, zeinetaqy qorynyń derekteri boiynsha baǵalaidy jáne sońynda berilýi múmkin eń joǵary somany kórsete otyryp, sertifikat beredi.
«Biz bul onlain-servisti kepil shartyn resimdeýge, menshik quqyǵyn resimdeýge deiin engizgimiz keledi. Úiden shyqpai-aq, ipoteka alý múmkindigin qarastyramyz. Bul úlken mindet. Meniń oiymsha, jyl sońyna deiin zańnamalyq bastamalardy taǵy da talqylaimyz. Kelesi jyldyń basynda, Otbasy banki bolatyn ýaqytta, biz ony tolyǵymen engizemiz», — dep habarlady TQJB basqarma tóraiymy L. Ibragimova.
