QR Qarjy ministrliginiń alqa májilisinde vedomstvo basshysy Erulan Jamaýbaev 2021 jyly respýblikalyq biýdjet tapshylyǵy qandai jolmen qarjylandyrylatynyn aitty, dep habarlaidy QazAqparat.
«Biyl JIÓ-ge shaqqanda respýblikalyq biýdjettiń tapshylyǵy 3,4 paiyzdy qurady. Ony qarjylandyrý memlekettik qundy qaǵazdar shyǵarý jolymen ishki qor naryǵy qarajaty esebinen josparlanyp otyr», - ministr.
Osy oraida ol naryqtyń shekteýli resýrstaryn eskere otyryp, syrttan qaryz tartý múmkindigin aitty.
«Sonymen qatar «Astana» Halyqaralyq qarjy ortalyǵy (AHQO) birjasynda memlekettik baǵaly qaǵazdar shyǵarý boiynsha orta merzimdegi baǵdarlama ázirlenedi. Bul óz kezeginde ishki naryqqa halyqaralyq investorlardy tartýǵa múmkindik beredi jáne AHQO birjasyn ary qarai damytýdy qoldaidy», - dedi vedomstvo basshysy.
Onyń aitýynsha, qolaily talaptarmen biýdjet tapshylyǵyn qarjylandyrý ýaqtyly qamtamasyz etiledi.
«Memlekettik qaryzdy qaýipsiz deńgeide ustaý bizdiń strategiianyń basymdyqty baǵyttarynyń biri»,- dedi E. Jamaýbaev.
