2021 jyldan bastap Qazaqstandaǵy joǵary oqý oryndary óz úlgisindegi diplomdar berip, sapa jaýapkershiligin kóteredi, dep habarlaidy "Ult aqparat".
Bul týraly QR Bilim jáne ǵylym vitse-ministri Miras Dáýlenov Ortalyq kommýnikatsiialar qyzmetindegi brifingte aitty.
«Qazirgi ýaqytta Qazaqstannyń joǵary bilim berý júiesinde 128 JOO bar, onyń 56-sy memlekettik, 72-si – jekemenshik. Sonymen birge, bilim berý sapasyn arttyrý kezinde menshik nysanyna asa mán bermei otyrǵanymyzdy aitqym keledi. Osyǵan bailanysty joǵary oqý oryndarynyń akademiialyq derbestigi keńeiip jatyr. «100 naqty qadamnyń» 78 qadamyn oryndaý úshin 2018 jyly JOO akademiialyq derbestigin keńeitetin zań qabyldandy. Osy Zań arqyly JOO-larǵa ózderiniń bilim berý baǵdarlamalaryn qurýǵa, oqytýshylarǵa qoiylatyn biliktilik talaptaryn anyqtaýǵa múmkindik berildi», - dep atap ótti vitse-ministr.
Nátijesinde joǵary oqý oryndarynyń akademiialyq derbestigi 85% deiin keńeitildi. QR BǴM Bilim berý baǵdarlamalary tiziliminde JOO-lar 99 baǵdarlama tirkedi.
«Osy zań arqyly zańǵa táýeldi aktiler deńgeiinde júieli ózgerister qabyldandy. JOO-lar usynatyn bilim sapasy úshin jaýapkershilik alý maqsatynda JOO-lardyń akademiialyq derbestigi keńeitildi. Odan bólek, JOO-lar 2021 jyldan bastap óz úlgisindegi diplomdardy beretin bolady», - deidi Miras Dáýlenov.
