2021 jyldyń qorytyndysynda elimizdegi jumyssyzdyq deńgeii 4,9 paiyz bolýy múmkin. Bul týraly «Eńbek resýrstaryn damytý ortalyǵy» AQ prezidenti Dáýlet Arǵyndyqov aitty, dep habarlaidy QazAqparat.
«Ótken jyldyń qorytyndysy jumyssyzdyq deńgeiiniń 4,9 paiyz bolǵandyǵyn kórsetip otyr. Pandemiiaǵa, ádistemege bailanysty máselelerdiń týyndaǵanyn, kóp adam ýaqytsha jumyssyz qalǵanyn túsinemiz. Qazir Qudaiǵa shúkir, jaǵdai turaqtalyp kele jatyr. Osy jyly júzege asyrylýy kózdelgen josparlar da jumyssyzdyq deńgeiin 4,9 paiyz mólsherinde ustap turýǵa múmkindik beredi. Bul Jumyspen qamtý jol kartasymen, «Eńbek» memlekettik baǵdarlamasyn jáne osy jyly da qarastyrylyp otyrǵan ózge de salalyq baǵdarlamalardy júzege asyrýmen bailanysty», - dedi Dáýlet Arǵyndyqov Ortalyq kommýnikatsiialar qyzmetindegi baspasóz máslihaty barysynda.
Aita keteiik, elimizdegi jumys kúshiniń sany 9,2 mln adamdy quraidy. Onyń ishinde jaldamaly jumysta 6,7 mln adam eńbek etedi. Ózin ózi jumyspen qamtyǵandar sany - 2 mln adam. Al jumyssyzdar sany - 449 myń adam.
