«Qazgidromet» RMK-sy 2021 jyldyń qańtar aiynyń aýa raiy boljamyn jariia etti, dep habarlaidy "Ult aqparat".
Kásiporynnyń konsýltativti boljamyna sáikes, 2021 jyly qańtarda respýblikanyń basym bóliginde aýa temperatýrasy norma shamasynda bolady, Qazaqstannyń shyǵys jartysynda 1°C mólsherden tómen bolýy múmkin.
Respýblikanyń basym bóliginde jaýyn-shashyn mólsheri klimattyq norma shamasynda, respýblikanyń qiyr batysynda – normadan kóp, soltústik-batysta, ortalyqta, Qazaqstannyń soltústigi men ońtústiktiń kei jerlerinde normadan az bolady dep boljanyp otyr.
Qańtardyń birinshi jáne úshinshi onkúndikterde birneshe sýyq tolqyndar kútiledi. Aýa temperatýrasy qańtardyń ekinshi jartysynda tómendei túsedi.
Bul rette aýa temperatýrasy:
soltústik, ortalyq jáne shyǵys aimaqtarda túnde -25-35 °S deiin, kei jerlerde -39 °S deiin, kúndiz -20-27 °S deiin;
respýblikanyń batysynda túnde -20-27 °S deiin, kúndiz -10-20 °S deiin;
ońtústik jáne ońtústik-shyǵys aimaqtarda túnde -15-25 °S deiin, jerlerde -30 °S, kúndiz -7-15 °S deiin tómendeidi.
