2020 jyldyń qorytyndysy boiynsha ózin ózi jumyspen qamtyǵandar sany 37 myń adamǵa azaidy. Bul týraly QR Eńbek jáne halyqty áleýmettik qorǵaý vitse-ministri Erjan Birjanov aitty, dep habarlaidy QazAqparat.
«Pandemiia kezinde eńbek naryǵyna aitarlyqtai ziian tidi. Soǵan qaramastan ótken jyldyń qorytyndysy boiynsha jumys kúshiniń sany 9,2 mln adamdy quraidy. Onyń ishinde jaldamaly jumysta 6,7 mln adam eńbek etedi. Ózin ózi jumyspen qamtyǵandar sany - 2 mln adam. Al jumyssyz sany 449 myń adam boldy. 2018 jylmen salystyrǵanda jumys kúshi 43 myń adamǵa kóbeidi. Al ózin ózi jumyspen qamtyǵandar 37 myń adamǵa azaidy», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, 2019 jyldyń 4-toqsanynda ýaqytsha jumys isteitinderdiń sany 99 myń adam bolsa, 2020 jyldyń 2-toqsanynda olardyń sany 536 myń adamǵa jetti.
«Biraq, tiisti is-sharalardy qoldanýdyń arqasynda jyldyń sońynda bul kórsetkish tómendep, 147 myń adam boldy. Bul qoldanylǵan is-sharalardyń tiimdiligin jáne ekonomikanyń turaqtylyǵyn kórsetedi. Jumyssyzdyq deńgeiin 4,9 paiyz mólsherinde saqtap qaldyq», - dedi Erjan Birjanov.
