2020 جىلدىڭ قورىتىندىسى بويىنشا ٶزٸن ٶزٸ جۇمىسپەن قامتىعاندار سانى 37 مىڭ ادامعا ازايدى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ەرجان بٸرجانوۆ ايتتى, دەپ حابارلايدى قازاقپارات.
«پاندەمييا كەزٸندە ەڭبەك نارىعىنا ايتارلىقتاي زييان تيدٸ. سوعان قاراماستان ٶتكەن جىلدىڭ قورىتىندىسى بويىنشا جۇمىس كٷشٸنٸڭ سانى 9,2 ملن ادامدى قۇرايدى. ونىڭ ٸشٸندە جالدامالى جۇمىستا 6,7 ملن ادام ەڭبەك ەتەدٸ. ٶزٸن ٶزٸ جۇمىسپەن قامتىعاندار سانى - 2 ملن ادام. ال جۇمىسسىز سانى 449 مىڭ ادام بولدى. 2018 جىلمەن سالىستىرعاندا جۇمىس كٷشٸ 43 مىڭ ادامعا كٶبەيدٸ. ال ٶزٸن ٶزٸ جۇمىسپەن قامتىعاندار 37 مىڭ ادامعا ازايدى», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, 2019 جىلدىڭ 4-توقسانىندا ۋاقىتشا جۇمىس ٸستەيتٸندەردٸڭ سانى 99 مىڭ ادام بولسا, 2020 جىلدىڭ 2-توقسانىندا ولاردىڭ سانى 536 مىڭ ادامعا جەتتٸ.
«بٸراق, تيٸستٸ ٸس-شارالاردى قولدانۋدىڭ ارقاسىندا جىلدىڭ سوڭىندا بۇل كٶرسەتكٸش تٶمەندەپ, 147 مىڭ ادام بولدى. بۇل قولدانىلعان ٸس-شارالاردىڭ تيٸمدٸلٸگٸن جەنە ەكونوميكانىڭ تۇراقتىلىعىن كٶرسەتەدٸ. جۇمىسسىزدىق دەڭگەيٸن 4,9 پايىز مٶلشەرٸندە ساقتاپ قالدىق», - دەدٸ ەرجان بٸرجانوۆ.
