2020 jyly Qazaqstannyń halyqaralyq rezervteri 4 paiyzǵa ósti. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy "Ult aqparat".
«Ótken jylǵy kúrdeli jaǵdaiǵa qaramastan, jyldyq infliatsiianyń 7,5 paiyz, jumyssyzdyq 4,9 paiyz deńgeiinde bolýyn qamtamasyz ettik. Bul kórsetkishter jalpy álemdik kórsetkishterge qaraǵanda aitarlyqtai jaqsy. Halyqaralyq rezervter 4 paiyzǵa ósip, 94,3 mlrd dollardy, al altyn-valiýta rezervteri 23,1 paiyzǵa ósip, 35,6 mlrd dollardy qurady. Ulttyq qordyń sheteldik valiýtadaǵy aktivteri 58,7 mlrd dollardy qurap otyr», - dedi Premer-Ministr.
Úkimet basshysynyń dereginshe, álemdik taýar naryqtarynda suranys pen baǵa tómendeý saldarynan syrtqy saýda ainalymy 85 mlrd dollar deńgeiinde qalyptasty. Onyń ishinde eksport – 47 mlrd jáne import 38 mlrd dollar boldy.
«Syrtqy saýdada 8,9 mlrd dollar deńgeiinde oń saldo saqtaldy», - dedi Asqar Mamin.
