2020 جىلى قازاقستاننىڭ حالىقارالىق رەزەرۆتەرٸ 4 پايىزعا ٶستٸ. بۇل تۋرالى قر پارلامەنتٸ پالاتالارىنىڭ بٸرلەسكەن وتىرىسىندا پرەمەر-مينيستر اسقار مامين ايتتى, دەپ حابارلايدى "ۇلت اقپارات".
«ٶتكەن جىلعى كٷردەلٸ جاعدايعا قاراماستان, جىلدىق ينفلياتسييانىڭ 7,5 پايىز, جۇمىسسىزدىق 4,9 پايىز دەڭگەيٸندە بولۋىن قامتاماسىز ەتتٸك. بۇل كٶرسەتكٸشتەر جالپى ەلەمدٸك كٶرسەتكٸشتەرگە قاراعاندا ايتارلىقتاي جاقسى. حالىقارالىق رەزەرۆتەر 4 پايىزعا ٶسٸپ, 94,3 ملرد دوللاردى, ال التىن-ۆاليۋتا رەزەرۆتەرٸ 23,1 پايىزعا ٶسٸپ, 35,6 ملرد دوللاردى قۇرادى. ۇلتتىق قوردىڭ شەتەلدٸك ۆاليۋتاداعى اكتيۆتەرٸ 58,7 ملرد دوللاردى قۇراپ وتىر», - دەدٸ پرەمەر-مينيستر.
ٷكٸمەت باسشىسىنىڭ دەرەگٸنشە, ەلەمدٸك تاۋار نارىقتارىندا سۇرانىس پەن باعا تٶمەندەۋ سالدارىنان سىرتقى ساۋدا اينالىمى 85 ملرد دوللار دەڭگەيٸندە قالىپتاستى. ونىڭ ٸشٸندە ەكسپورت – 47 ملرد جەنە يمپورت 38 ملرد دوللار بولدى.
«سىرتقى ساۋدادا 8,9 ملرد دوللار دەڭگەيٸندە وڭ سالدو ساقتالدى», - دەدٸ اسقار مامين.
