2020 jyldyń qorytyndysynda pandemiia saldarynan qaramastan Qazaqstan men Túrkiia arasyndaǵy syrtqy saýda ainalymy 3 mlrd dollardan asyp tústi, dep habarlaidy QazAqparat.
Diplomatiialyq qatynas ornaǵan 1992 jyly eki eldiń arasyndaǵy syrtqy saýda ainalym ne bári 30 mln dollar bolsa, ótken jyldyń qorytyndysynda bul kórsetkish 3,1 mlrd dollarǵa jetip otyr. Qazaqstan men Túrkiia aldaǵy ýaqytta bul kórsetkishti odan ári arttyryp, bastapqyda 5 mlrd dollar, keiin 10 mlrd dollarǵa jetkizýdi ortaq maqsat tutyp otyr.
Túrkiia 1992 jyldan bastap, Qazaqstanǵa 4,3 milliard dollar investitsiia quisa, Qazaqstan Túrkiia ekonomikasyna 1 mlrd dollarynan astam investitsiia saldy. Búginde túrik kompaniialary elimizde quny 26 milliard dollardan asatyn merdigerlik jobalardy iske asyrdy. Qazaqstanda 2 700 túrik kompaniiasy jumys isteidi.
Eki eldiń arasynda birqatar biregei jobalar da júzege asyrylyp jatyr. Atap aitqanda, «Túrkiia shákirtaqysy» atty baǵdarlama aiasynda búginge deiin 4 500-ge jýyq qazaqstandyq stýdent túrik jerinde bilim aldy. Ótken jyldyń ózinde Qazaqstannan 4 000-nan asa ótinim qabyldandy. Biyl ótinim sany artyp, 7 000-ǵa taiaidy degen boljam bar. Sondyqtan Túrkiia Qazaqstanǵa bólinetin grant sanyn arttyrdy. Osylaisha, 2020-2021 oqý jylynda tiisti talaptarǵa sáikes kelgen 100 stýdent osy baǵdarlamamen Túrkiiada bilim alý múmkindigine ie boldy. Budan bólek, qazir shamamen 500-ge jýyq qazaqstandyq stýdent Túrkiiada granttyq negizde bilim alýda.
Qazaqstannyń táýelsizdik alǵan jyldarymen tuspa-tus qurylǵan Qoja Ahmet Iasaýi atyndaǵy Halyqaralyq qazaq-túrik ýniversiteti de eki eldiń bilim salasyndaǵy yntymaqtastyǵyna aiqyn mysal bola alady. Eki elge ortaq ýniversitet sońǵy 30 jyl ishinde Qazaqstannyń bilim salasyna baǵaly úles qosty.
Ekijaqty qarym-qatynastardan bólek, kópjaqty platformalarda da eki baýyrlas el únemi úilesimdilik pen yntymaqtastyqta áreket etedi. Túrki Keńesi, Islam yntymaqtastyq uiymy, Ekonomikalyq yntymaqtastyq uiymy jáne Aziiadaǵy qaýipsizdik pen turaqtylyqty kúsheitýge arnalǵan mańyzdy platforma - AÓSShK siiaqty uiymdar aiasynda de tyǵyz bailanysta.
