QR Indýstriia jáne infraqurylymdyq damý ministrliginiń keńeitilgen alqa májilisinde Nur-Sultan jáne Almaty áýejailaryndaǵy «ashyq aspan» rejimi týraly aityldy, dep habarlaidy QazAqparat.
«Halyqaralyq baǵyttardaǵy básekeni arttyrý jáne aviabiletterdiń qunyn arzandatý maqsatynda ótken jyldyń 1 qarashasynda QR Prezidentiniń tapsyrmasymen elimizdiń 11 áýejaiynda «ashyq aspan» rejimi engizildi. Búginde Qazaqstan 26 elmen 99 halyqaralyq baǵyt boiynsha áýe qatynasyn júzege asyrýda», - deidi QR Indýstriia jáne infraqurylymdyq damý vitse-ministri Berik Qamaliev.
Ol 2019 jyldyń basynan beri qazaqstandyq jáne sheteldik áýe kompaniialary 12 halyqaralyq áýe reisin ashqanyn aitty.
«Ashyq aspan» aiasynda jańa 14 halyqaralyq áýe reisi ashylady dep josparlanǵan. Qatar Airways, LOT, Salam Air, Jazeera Airways, Air Asia jáne basqa da iri kompaniialar kelip, elordamyz ben Almatyny Doha, Maskat, Kýala-Lýmpýr jáne basqa da qalalarmen bailanystyrady dep kútilýde», - deidi vitse-ministr.
Sondai-aq, onyń aitýynsha, 2020 jyly Air Astana áýe kompaniiasy Almaty-Parij baǵyty boiynsha jańa reis ashýdy josparlap otyr. Odan bólek Almaty-Mýmbai baǵytynda áýe reisin ashý máselesi qarastyrylyp jatyr.
