Elorda ákimdigi 2020 jyly turǵyn úi nysandary qurylysy men qalany abattandyrý týraly josparlarymen bólisti, dep habarlaidy "Ult aqparat".
«Memleket basshysynyń tapsyrmasy boiynsha qoljetimdi baspana qurylysynyń ósimin 3 esege arttyrý josparlanǵan. Biyl 3,5 myńǵa tarta páter tapsyryldy. Biz jastarǵa arnalǵan arendalyq baspana baǵdarlamasyn iske asyrýdy jalǵastyramyz», - delingen elorda ákimdigi baspasóz qyzmetiniń málimetinde.
Sonymen qatar ákimdik problemalyq qurylys nysandaryna qatysty jaǵdaiǵa túsinik berdi.
«2019 jyly qurylysy uzaqqa sozylǵan 10 nysan paidalanýǵa berildi. Bul óz kezeginde 2,5 úleskerdiń máselesin sheshýge múmkindik týǵyzdy. 2020 jyly salynyp jatqan 20-dan astam problemalyq nysan paidalanýǵa berilmek», - dep atap ótilgen habarlamada.
Vedomstvo aqparatyna qaraǵanda, turǵyn alaby aýmaqtaryn abattandyrý basymdyqty baǵyt bolyp qala beredi. Osy oraida turǵyn úi alabyn balalar oiyn alańdarymen jasaqtaýǵa airyqsha mán berilmek.
