Aǵymdaǵy jylǵy 1 qazandaǵy jaǵdai boiynsha 10,9 myń adam tarihi Otanymen tabysyp, oralman mártebesin aldy. Jalpy 1991 jyldan beri respýblikaǵa 1 million 68,3 myń etnikalyq qazaq oraldy, dep habarlaidy "Ult aqparat" QR Eńbek jáne halyqty áleýmettik qoldaý ministrliginiń baspasóz qyzmetine silteme jasap.
Osy jyly Qazaqstanǵa kelgen oralmandardyń jartysynan kóbi (56,9%) Qytaidan, 27,7% – Ózbekstannan, 9,1% – Túrikmenstannan, 3,4% – Mońǵoliiadan jáne 2,9% basqa elderden.
Kelgen etnikalyq qazaqtar negizinen Almaty (53,1%) jáne Mańǵystaý (13,2%) oblystaryna, sondai-aq Nur-Sultan (4,1%) jáne Shymkent qalalaryna (3,3%) qonystandy.
9 aidyń qorytyndysy boiynsha eńbekke qabiletti jastaǵy qonys aýdarýshylar sany 57,2%-dy, eńbekke qabiletti jastan kishi 32,5%-dy jáne zeinetkerler 10,3%-dy quraidy.
