QR Premer-Ministri Asqar Maminniń tóraǵalyǵymen ótken QR Úkimetiniń otyrysynda energetika ministri Nurlan Noǵaev biylǵy qańtar-sáýir ailaryndaǵy otyn-energetika sektorynyń jai-kúii týraly baiandady, dep habarlaidy "Ult aqparat" primeminister.kz saityna silteme jasap.
Energetika ministriniń aitýynsha, esepti kezeńde munai óndirý kólemi 31,3 mln tonnany qurady, bul jospardyń 102,6%-y nemese 2019 jyldyń sáikes kezeńimen salystyrǵanda 106% quraidy. Máselen, Teńiz ken ornynda munai óndirý ósimi 4,1%-dy, Qashaǵanda — 11,5%-dy, Qarashyǵanaqta óndirý kólemi bir deńgeide saqtalyp otyr.
«Munai óńdeý kólemi - 5,2 mln tonna, bul jospardyń 96,3%-yn quraidy. Bul sáýir aiynda Pavlodar munai óńdeý zaýytynyń josparly jóndeý jumystaryna bailanysty qyzmetin ýaqytsha toqtatýyna bailanysty», — dep túsindirdi N. Noǵaev.
Sonymen qatar, ministrdiń aitýynsha, qazaqstandyq MÓZ jumysyna Resei Federatsiiasynan janar-jaǵar mai materialdary importy, Qazaqstannan alys jáne taiaý shetelderge JJM eksportyn qamtamasyz etý, keden bajdary men aktsizderdi retteý, benzin men dizel otynyn memlekettik materialdyq rezervke alý turǵysynan memlekettik komissiianyń sheshimderi oń áser etti.
«Munai eksporty - 25,3 mln tonna bul jospardyń 115%-yn quraidy. Gaz óndirý - 20,2 mlrd m3, bul jospardyń 103% quraidy. Tabiǵi gaz eksporty 5,6 mlrd m3 qurady. Osy jyldyń 4 aiynda 37,1 mlrd kVt/saǵat óndirildi.
Barlyq óńirde jylytý maýsymy aiaqtaldy. Maýsym aýqymdy apatsyz ótti.
Sondai-aq, Memleket basshysynyń aýyl sharýashylyǵy taýarlaryn óndirýshilerdi tómen baǵamen otynmen qamtamasyz etý jónindegi tapsyrmasyn oryndaý aiasynda 386 600 tonna dizel otynyn satý josparlanǵan bolatyn. Búgingi tańda jospardyń 75,5% oryndaldy», — dedi N. Noǵaev.
