Salyq zańnamasyna engizilgen ózgeristerge sáikes 2020 jylǵy 1 qańtardan bastap jeke tulǵalardyń menshik quqyǵyna tiesili jer ýchaskeleri jáne jyljymaityn múlik boiynsha salyqtar jeke tulǵalardyń múlkine biryńǵai salyqqa biriktirildi. Bul týraly QR QM Memlekettik kirister komitetinde habarlady.
Osyǵan bailanysty salyqtyń eseptelgen somasy jyljymaityn múlik pen jer ýchaskesi boiynsha mindettemelerdi qamtidy jáne biryńǵai somamen tólenedi.
«2020 jylǵa múlik salyǵyn tóleý merzimi 2021 jylǵy 1 qazanda aiaqtalady», - delingen komitet habarlamasynda.
Múlik salyǵynyń somasyn ony tóleý merzimi bastalǵanǵa deiin daiyn derektemeler boiynsha bir mezgilde tólem júrgizý múmkindigimen «E-salyq Azamat» mobildi qosymshasynda, sondai-aq Kaspi.kz jáne Homebank bankteriniń mobildi qosymshalarynda kgd.gov.kz «Aldaǵy tólemder» servisinen bilýge bolady.
Budan basqa, salyq salý obektileri boiynsha aqparatty «E-salyq Azamat» mobildi qosymshasynyń «Salyq ámiiany» bóliminde kórýge nemese osyndai obektilerdiń ornalasqan jeri boiynsha Memlekettik kirister basqarmasyna júginýge bolady.
