Memlekettik kirister komitetiniń mamandary 2020 jyldyń kólik salyǵy qai jyldyń ailyq eseptik kórsetkishimen esepteletinin aitty, dep habarlaidy "Ult aqparat".
Biyl kólik salyǵynyń tóleý merzimi sáýirge shegerilgendikten, onyń mólsheri qai jyldyń ailyq eseptik kórsetkishimen esepteletinin túsinbei jatqandar kóp. Memlekettik kirister komitetiniń óndiristik emes tólemderdi, jeke tulǵalardy ákimshilendirý jáne arnaiy salyq rejimi departamentiniń direktory Azamat Sadyqov atalmysh máselege taǵy da toqtalyp, salyq esepteý tártibin túsindirdi.
«Kólik salyǵyn esepteý kezinde salyq eseptelgen salyq kezeńine, iaǵni 2020 jylǵy 1 qańtarǵa qoldanylatyn AEK qoldanylady. Atap aitqanda, biz 2020 jylǵa kólik salyǵyn eseptedik, ol kezde AEK 1 qańtarǵa 2 651 teńgeni quraǵan bolatyn», - dedi Azamat Sadyqov ortalyq kommýnikatsiialar qyzmetinde.
Eske salsaq, buǵan deiin basqa qalaǵa kóshken kólik ieleri salyqty qandai mekenjai boiynsha tóleitinin jazǵan bolatynbyz.
